25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Քաբուլի օդանավակայանը հրթիռակոծվել է
Քաղաքականություն
30.08.2021 | 12:48
Քաբուլի օդանավակայանի ուղղությամբ արձակված հինգ հրթիռներից մեկն ընկել է օդանավակայանի տարածքում, այս մասին հաղորդում է «Ալ-Ջազիրան»՝ վկայակոչելով «Թալիբան» շարժման սեփական աղբյուրին:
Հարձակումն իրականացվել է քաղաքի հյուսիսային հատվածից, կորուստների ու ավերածությունների մասին դեռ տեղեկություններ չկան:
Ավելի վաղ CNN-ը, վկայակոչելով ամերիկացի պաշտոնյայի, հայտնել էր, որ բոլոր հրթիռները կամ դրանց մի մասը խոցվել են ամերիկյան C-RAM հակաօդային պաշտպանության համակարգի կողմից: Թե ովքեր են կանգնած հարձակման հետևում, դեռևս անհայտ է։
Թալիբների իշխանության գալուց հետո Քաբուլի օդանավակայանում, որտեղից տարհանվում են դիվանագիտական ներկայացուցչությունների աշխատակիցներն ու օտարերկրացիների հետ համագործակցող աֆղանցիները, արդեն մի քանի պայթյուն է որոտացել, հարյուրավոր մարդիկ զոհվել են: Պայթյունների պատասխանատվությունը ստանձնել է «Իսլամական պետությունը»:
Տաթև Ֆռանգյան
