10.03.2026 | 23:51
Միրզոյանը և ԱՄՆ պետքարտուղարի տեղակալը քննարկել են ՀՀ-ԱՄՆ ռազմավարական գործընկերության խորացման հարցեր
Սեֆիլյանին առաջադրված մեղադրանքներն անհասկանալի են և չկոնկրետացված. փաստաբան. ՏԵՍԱՆՅՈՒԹ
Հասարակություն
16.03.2018 | 12:23
Շենգավիթ վարչական շրջանի ընդհանուր իրավասության դատարանում մեկնարկել է Ժիրայր Սեֆիլյանի և մյուսների գործով դատական նիստը: Պաշտպանական ճառով է հանդես գալիս Ժիրայր Սեֆիլյանի պաշտպան Տիգրան Հայրապետյանը, ով Սեֆիլյանին առաջադրված մեղադրանքները որակեց անհասկանալի և չկոնկրետացված. «Ժիրայր Սեֆիլյանի տանից հայտանբերել են տասը տարի առաջ նրան նվիրած սուվինիր մահակներ, որոնք չի կարելի կապել զանգվածային անկարգություններ հրահրելու հետ: Անհեթեթություն է այդ իրը որակել որպես այնպիսի առարկա, որը ձեռք է բերվել ապրիլի 24-ին զանգվածային անկարգություններ հրահրելու համար»:
Պաշտպանը նշեց՝ Ժիրայր Սեֆիլյանի գործողությունները սահմանափակելու համար նրան կեղծ մեղադրանքներ են առաջադրել` կեղծ հիմնավորումներով: Պաշտպանի համոզմամբ՝ Ժիրայր Սեֆիլյանին մեղադրում են չեղած բանի համար. «Եթե անձին մեղադրանք է առաջադրվում, նա պետք է դա կատարած լիներ, բայց Ժիրայր Սեֆիլյանին մեղադրում են հնարավոր կատարման գործողության համար, որը չի եղել: Ասում են նա ցանկանում էր դեկտեմբերի մեկին գրավել հեռուստաաշտարակը, բայց չի նշվում` ինչու չի արել: Մեղադրանքի կողմը դիտավորյալ բաց է թողել այդ հիմնավորումը, որովհետև ապացույցներ չունի»:
Փաստաբանը նաև հավելեց`անկախ նրանից, թե Սեֆիլյանը ինչ է կատարել, կատարել է թե ոչ, վարույթն իրականացնող մարմինը մի շարք մեղադրանքներ է առաջադրել նրան:
