18.01.2026 | 15:52
Հայաստանի ծանրամարտի տղամարդկանց ընտրանին այս տարվա առաջին ուսումնամարզական հավաքն անցկացնում է Գյումրիում
Մեծ Բրիտանիան ավարտել է Աֆղանստանից քաղաքացիների տարհանման գործողությունը
Քաղաքականություն
28.08.2021 | 18:49
Մեծ Բրիտանիան ավարտել է Աֆղանստանից քաղաքացիական անձանց և զինծառայողների տարհանման գործողությունը: Այս մասին օգոստոսի 28-ին հայտնել է Մեծ Բրիտանիայի դեսպան Լորի Բրիսթոուն։
Նրա խոսքով ՝ օգոստոսի 13-ից Միացյալ Թագավորության կառավարությունը Աֆղանստանից դուրս է բերել շուրջ 15 հազար քաղաքացիական անձանց և 1000 զինծառայողների:
«Եկել է գործողության այս փուլն ավարտելու ժամանակը, բայց մենք չենք մոռացել այն մարդկանց մասին, ովքեր դեռ ցանկանում են լքել երկիրը։ Մենք կշարունակենք անել հնարավոր ամեն ինչ, որպեսզի օգնենք նրանց։ Մենք նաև չենք մոռացել Աֆղանստանի խիզախ և արժանապատիվ ժողովրդին։ Նրանք արժանի են ապրել խաղաղության և անվտանգության մեջ»,- Iz.ru-ի փոխանցմամբ՝ ընդգծել է Բրիսթոուն տեսաուղերձում, որը հրապարակվել է Twitter-ում:
Նախօրեին Միացյալ Թագավորության պաշտպանության նախարարության մամուլի ծառայությունում պատմել են, որ բրիտանական զորքերն Աֆղանստանից տարհանում են միայն այն անձանց, որոնք արդեն Քաբուլի օդանավակայանում են, նոր հայտեր չեն ընդունվում:
Աֆղանստանում իրավիճակը սրվել է 2001 թվականից ի վեր երկրում գտնվող ամերիկացի զինծառայողների դուրսբերումից հետո:
«Թալիբանի» գրոհայինները հարձակում են սկսել երկրի խոշոր քաղաքների վրա և օգոստոսի 15-ին մտել Քաբուլ՝ հայտարարելով պատերազմի ավարտի մասին: Աֆղանստանի նախագահ Աշրաֆ Գանին նույն օրը լքել է երկիրը։
