16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ադրբեջանում հատուկ կարանտինային ռեժիմը երկարաձգել են մինչև նոյեմբերի 1-ը
28.08.2021 | 18:33
Ադրբեջանի իշխանությունները երկրում հատուկ կարանտինային ռեժիմի գործողությունը երկարացրել են մինչև նոյեմբերի 1-ը: ՏԱՍՍ-ի փոխանցմամբ՝ համապատասխան որոշումը շաբաթ օրը ստորագրել է երկրի վարչապետ Ալի Ասադովը։
Ավելի վաղ երկրում կարանտինային հատուկ ռեժիմի գործողության ժամկետը սահմանվել էր մինչև սեպտեմբերի 1-ը:
Բացի այդ, հանրապետության նախարարների կաբինետին կից օպերատիվ շտաբի որոշմամբ խստացվել են հարսանեկան արարողությունների անցկացման պահանջները. այժմ նման բոլոր միջոցառումների մասնակիցներն ու հյուրերը արարողության կարող են մասնակցել միայն պատվաստումների կամ բացասական թեստերի վկայականների առկայության դեպքում: Ավելի վաղ այդ հավաստագրերն անհրաժեշտ չէին 50-ից պակաս մասնակիցների թվով միջոցառումների համար։
Ուժի մեջ են մնացել նաև բոլոր գործող կանոնները. մինչև նոյեմբերի 1-ը հասարակական տրանսպորտը, ներառյալ Բաքվի մետրոն, չի աշխատի շաբաթ և կիրակի օրերին: Դրա հետ մեկտեղ կարանտինային ռեժիմի բոլոր թուլացումները, որոնք մտցվել են մայիսի վերջին և հունիսին, ուժի մեջ են մնում:
Ընդհանուր առմամբ, Ադրբեջանում պանդեմիայի ընթացքում հաստատվել է 413 986 վարակման դեպք, 358 230 մարդ ապաքինվել է, 5 512 հիվանդ՝ մահացել:
