16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Սերժ Սարգսյանի վարչապետ լինել-չլինելը խնդիրը չի լուծի. Զարուհի Փոստանջյան (Տեսանյութ)
Քաղաքականություն
15.03.2018 | 20:33
«Մենք մեկ տարվա ընթացքում ընդգծեցինք, որ չի լինելու որևիցե զիջում այս գործող ապօրինի համակարգին, մենք գնալու ենք և հասնելու ենք մեր նպատակին՝ ինչ գնով ուզում է լինի: Մենք այդ ճանապարհը անցնելու ենք: Որևիցե խոչընդոտ չի կարող մեզ կանգնեցնել: Այս գաղափարախոսության համար որքան ջանք պահանջվի, մենք ներդնելու ենք»,- այսօր պատասխանելով Factor.am-ի հարցին՝ ասաց «Երկիր Ծիրանի» կուսակցության ղեկավար Զարուհի Փոստաջնյանը:
Հիշեցնենք՝ կուսակցությունն այսօր նշեց ստեղծման մեկ տարին:
Հարցին՝ հնարավո՞ր է միանա Սերժ Սարգսյանի վարչապետության դեմ «Ելք» դաշինքի հնարավոր պայքարին, մասնավորապես՝ Նիկոլ Փաշինյանի և նրա ղեկավարած կուսակցության, Փոստանջյանը պատասխանեց. «Փաշինյանի պայքարը ինձ հայտնի չէ, չգիտեմ՝ ինչի համար է նա պայքարում, հետևաբար չեմ կարող կարծիք հայտնել»։
Factor.am-ի հարցին՝ Սերժ Սարգսյանի վարչապետ դառնալը խնդիր չի՞ համարում, ընդդիմադիր գործիչը պարզաբաեց. «Սերժ Սարգսյանի լինել-չլինելը չի լուծելու խնդիրը։ Եթե նույնիսկ Սերժ Սարգսյանը չլինի վարչապետ, մենք որևէ խնդիր չենք լուծելու»:
Մանրամասները՝ տեսանյութում:
