19.11.2024 | 12:36
Փաշինյանից «sms» չեմ ստացել, մենք հերթական ընտրություններին ենք պատրաստվում. Փամբուխչյան. ՏԵՍԱՆՅՈՒԹ
Լրագրողներին օթյակից դուրս բերելը տհաճ իրավիճակ է ստեղծում նրանց և ՊՊԾ աշխատակիցների միջև. Սիսակ Գաբրիելյան. ՏԵՍԱՆՅՈՒԹ
Քաղաքականություն
26.08.2021 | 18:32
«Ձեզ համար որքանո՞վ էր ընդունելի, որ նախորդ օրերին ԱԺ-ում միջադեպերի ժամանակ օթյակներից լրագրողներին ուժով դուրս էին բերում՝ ընթացքում ճանկռելով: Եթե դուք դեռևս լրագրող լինեիք, դա հաճելի՞ կլիներ»,- Factor.am-ի հետ զրույցում անդրադառնալով այս հարցին, «Քաղաքացիական պայմանագիր» խմբակցության պատգամավոր Սիսակ Գաբրիելյանը ներկայացրեց իր դիտարկումները:
«Միանշանակ՝ ոչ: Այդ առումով ես նաև զրուցել եմ պարոն Սիմոնյանի հետ, ու որքանով տեղյակ եմ, լրագրողների հետ զրույցում նա հրապարակայնորեն ասաց, որ իր համար էլ է անընդունելի, և այլևս նման միջադեպ չի լինի:
Բայց այստեղ պետք է որոշ նրբություններ հասկանալ, ես՝ ինքս էլ կցանկանայի ամեն ինչ արձանագրել, բայց պետք է հաշվի առնենք, օրինակ, որ այս դեպքում ընդդիմության որևէ պատգամավոր չէր ուզենա, որ ինքն այդ հարվածները ստանար տեսախցիկների առջև:
Այս մոտեցումը ամբողջ աշխարհում կա: Եթե նկատել եք, օրինակ, վերջին շրջանում երբ ֆուտբոլային հանդիպման ժամանակ խաղադաշտում միջադեպ է տեղի ունենում, հեռարձակումը դադարեցվում է, այսինքն՝ դա արվում է ինչ-որ տեղ ի նպաստ նաև այն անձանց, ովքեր միջադեպի մասնակից են, նաև հասարակությանն են պաշտպանում:
Լրատվամիջոցների հետ պետք է գանք կոնսենսուսի, որ շարունակեն մնալ, բայց հասկանալի պատճառներով դադարեցնեն նկարահանումը:
Թագուհի Թովմասյանի առաջարկով առաջիկայում քննարկում տեղի կունենա լրագրողների աշխատանքների կարգավորման վերաբերյալ, կարծում եմ՝ դրանք սահմանափակումներ չեն»,- նշեց Գաբրիելյանը:
Մանրամասները՝ տեսանյութում:
