Տեսանյութեր
26.08.2021 | 12:55«Մենք մեկ միլիմետր անգամ չպետք է շեղվենք, մեզ վրա դրված է պատմական պատասխանատվություն: Մեր երկրի առաջ ծառացած մարտահրավերներն ավելին են, քան կարելի է այս ամբիոնից ասել: Եվ 2018թ-ից է այդպես եղել»,- այս մասին այսօր ԱԺ ամբիոնից հայտարարեց վարչապետ Նիկոլ Փաշինյանը:
«Այսօր եկել են, ասում են՝ բանակցային գործընթացը ձախողել եք: Սերժ Սարգսյանը 2018թ. ապրիլի 17-ին այս ամբիոնից հայտարարել է. «Բանակցային գործընթացը լավատեսություն չի ներշնչում, ավելի հստակ կարելի է ասել, որ բանակցային գործընթացն ուղղակի կանգնած է, կանգնած է, որովհետև բանակցությունների արդյունքից Ադրբեջանի ղեկավարության ակնկալիքներն անիրատեսական են, անընդունելի մեզ համար»:
Էս մարդիկ ասում են՝ դուք բանակցային գործընթաց եք ձախողել: Դե եկե՛ք պատասխան տվեք, թե էդ ո՞նց եք ավելի քան տասը տարի բանակցային գործընթաց տարել ու հնարավորություն տվել Ադրբեջանին՝ գալ սեղանի շուրջ նստել և անիրատեսական, անընդունելի պահանջ ձևակերպել: Բա սա ինչի՞ արդյունք է:
Էն մեկը կար, շիշը պատին էր խփում, սրանք շշի վրա ինչ-որ կենտրոնացա՞ծ են, հա՞, բա արի պատասխան տուր: Էդ ո՞նց ես բանակցություն տարել, որ Ադրբեջանն եկել-նստել ու անընդունելի, անիրատեսական պահանջ է դնում»:
Մանրամասները՝ տեսանյութում:
