16.12.2025 | 09:54
Սպասվում է ձյուն և ձնախառն անձրև, օդի ջերմաստիճանը կնվազի
Քաղաքական պատվեր տվողների համար այս սահմանափակումները պետք է դառնան գլխացավանքի առարկա․ Իոաննիսյան․ ՏԵՍԱՆՅՈՒԹ
Քաղաքականություն
26.08.2021 | 12:44
Աննախադեպ է, որ ԱԺ-ում լրագրողների տեղաշարժը սահմանափակվում է և նրանց քաշքշում են: Այս մասին «Բռնություններ, նոր սահմանափակումներ լրագրողների համար» թեմայով առցանց քննարկման ժամանակ նշեց «Իրազեկ քաղաքացիների միավորում» ՀԿ համակարգող Դանիել Իոաննիսյանը: Նա նաև ընդգծեց, որ երկու տարի առաջ մեդիան շատ ավելի ազատ է եղել:
«Ավելի լավ է լրագրող ծեծե՞նք, թե TV փակենք. այսպիսի հարցադրումներ են անում իշխանական պատգամավորները»,- նկատեց Իոաննիսյանը:
«Այս իշխանությունն ի վիճակի չէ որևէ ռեֆորմ անելու: Մեդիայի հետ կապված ռեֆորմ ո՞վ պետք է անի, Հայկ Կոնջորյանն ու Արթուր Հովհաննիսյա՞նը, այդ անձինք օրենքի մի նախագիծ էին գրել, որ մարդ չգիտեր լացեր, թե ծիծաղեր, որ կողմից բացատրեր, որ գրածներն ապուշություն է:
Այն, որ ԱԺ-ում դիմում են բռնության, այն, որ իշխանական պատգամավոր Վահագն Ալեքսանյանը քացով հարվածում է մեկ այլ պատգամավորի, ցույց է տալիս իրենց թուլությունը: Երկուսուկես տարի է իշխանություն են, բայց չկարողացան ռեֆորմներ իրականացնել: Երևի սեփական թուլությունը ներքուստ զգալով՝ կարծում են, որ ուրիշ բան չի մնում, քան քացով հարց լուծելը:
Իբրև թե քրեական մշակույթի դեմ են պայքարում, բայց սկսում են ԱԺ-ում «պանյատներով» հարցեր լուծել»,- նշեց Իոաննիսյանը:
Մանրամասները՝ տեսանյութում:
