Քաղաքականություն
26.08.2021 | 13:26
Թուրքիայի Ազգային պաշտպանության նախարարությունը չորեքշաբթի հայտարարել է Աֆղանստանից իր զորքերի դուրսբերման գործընթացի մեկնարկի մասին: Twitter-ում հրապարակված նախարարության հաղորդագրության մեջ նշվում է, որ Թուրքիայի զինված ուժերի ստորաբաժանումների տարհանման որոշումն «ընդունվել է տարբեր շփումներից և ներկա իրավիճակի գնահատումից հետո», փոխանցում է ՏԱՍՍ-ը։
Շուրջ 600 թուրք զինվորական է մասնակցել ՆԱՏՕ-ի ոչ մարտական առաքելությանը, որի նպատակը կառավարական բանակի պատրաստումն էր:
Ավելի վաղ Reuters-ը հայտնել էր, որ «Թալիբան»-ի ներկայացուցիչները դիմել են Թուրքիային՝ Քաբուլում Համիդ Քարզայի անվան օդանավակայանի ստեղծման հարցում օգնության համար: Միևնույն ժամանակ, թալիբները նշել են, որ հույսը դնում են Թուրքիայից տեխնիկական աջակցության վրա «միայն Աֆղանստանից իր ռազմական կոնտինգենտի դուրսբերումից հետո»:
Տաթև Ֆռանգյան
