Քաղաքականություն
26.08.2021 | 12:37«Լրագրողների ներկայությունը ԱԺ-ում զսպող գործոն է հանդիսանում հենց պատգամավորների համար, և արգելելով ու սահմանափակելով նրանց տեղաշարժը՝ ուղղակի կանաչ լույս են վառում բոլոր այն պատգամավորների համար, որոնք ուզում են սանձարձակ վարքագիծ ցուցաբերել,» «Բռնություններ, նոր սահմանափակումներ լրագրողների համար» թեմայով առցանց քննարկման ժամանակ նշեց Ինֆորմացիայի ազատության կենտրոնի նախագահ Շուշան Դոյդոյանն՝ անդրադառնալով օգոստոսի 25-ին ԱԺ դահլիճում լրագրողների աշխատանքի սահմանափակմանը։
«Մենք գործ ունենք անհամաչափ, անթույլատրելի և ոչ ողջամիտ սահմանափակումների հետ»,- նշեց Դոյդոյանը: Նրա դիտարկմամբ՝ ՝ ԱԺ ղեկավարությունը ընդհանրապես չի պատկերացնում, թե ինչ դեր ունեն լրագրողները ազգային ժողովում. «Դա իրենց քմահաճույքը չէ, իրենց պարտականությունն է գտնվել Աժ-ում, արձանագրել ու հասարակությանը ներկայացնել այն ամենն, ինչ տեղի է ունենում․ լավ, թե՝ վատ, արժանապատվություն արատավորող, թե՝ ոչ»։
Անդրադառնալով «Քաղաքացիական պայմանագիր» խմբակցության պատգամավոր Վլադիմիր Վարդանյանի այն մտքին՝ թե «ծեծկռտուք լուսաբանելը մեդիայի գործը չէ», Շուշան Դոյդոյանը նշեց, որ դա սխալ պատկերացում է լրագրողի մասնագիտության և առաքելության մասին։ «Հակառակը, հենց ծեծկռտուք լուսաբանելն ու հասարակությանը դրա մասին իրազեկելն է լրագրողի գործը»։
Մանրամասները՝ տեսանյութում:
