18.01.2026 | 17:17
Bild. Գերմանացի զինվորականները վաղաժամ և «առանց բացատրությունների» լքել են Գրենլանդիան
Էրդողանը կոչ է արել մահմեդականներին պարտավորություն վերցնել՝ ապահովելու ամբողջ մարդկության անվտանգությունը
Քաղաքականություն
25.08.2021 | 21:11
Թուրքիայի նախագահ Ռեջեփ Թայիփ Էրդողանը կոչ է արել մահմեդականներին իրենց վրա պարտավորություն վերցնել՝ ապահովելու ամբողջ մարդկության անվտանգությունն ու խաղաղությունը, գրում է Անադոլու գործակալությունը։ Թուրքիայի նախագահը տեսաուղերձ է հղել Իսլամական համագործակցության կազմակերպության 4-րդ երիտասարդական ֆորումի գլխավոր ասամբլեայի մասնակիցներին։
«Եկել է ժամանակը, երբ մահմեդականները պետք է իրենց վրա պարտավրություն վերցնեն ապահովելու ինչպես սեփական, այնպես էլ աշխարհի, ամբողջ մարդկության անվտանգությունը։ Ժամանակն է, որ մահմեդականները հանդես գան անարդարությունների դեմ, որի ականատեսն են լինում»,- ասվում է էրդողանի ուղերձում։
Նա ուշադրություն է հրավիրել նրան, որ մարդկությունն ապրում է իր պատմության ամենաանհանգիստ փուլերից մեկը։
«Ցավոք, այդ բոլոր խնդիրները, որոնք սպառնում են ամբողջ մարդկությանը, ամենախորը հետքն են թողել իսլամական աշխարհագրության մեջ»,- ասել է Էրդողանը՝ նշելով, որ մահմեդականները բախվում են հակամարտությունների, միգրացիայի, աղքատության, հիվանդությունների, որն ունի լայն աշխարահագրություն՝ Սիրիայից Աֆղանստան, բացի այդ էլ «պայքարում են Արևմուտքում առկա իսլամաֆոբիայի դեմ»։
Թուրքիայի նախագահը նաև հավելել է, որ «նման անարդարությունը չի կարող այլևս շարունակվել և որ այդ պայքարում յուրաքանչյուրն իր պատասխանատվությունն ունի, հատկապես մահմեդական երիտասարդությունը»։
Էմմա Չոբանյան
