17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
2013-ին ժողովրդի շլինքին անհայտ ծագման 300 մլն դոլար պարտք կախեցին. Արսենյան. ՏԵՍԱՆՅՈւԹ
Քաղաքականություն
25.08.2021 | 19:08
«1998-ի պետական հեղաշրջման արդյունքում փոխվեց ՀՀ ուղեծիրը, որին հետևեց Հոկտեմբերի 27-ը, և նորից ՀՀ-ն հայտնվեց մի շրջապտույտի մեջ, որը տևեց քսան տարի»,- այս մասին ԱԺ նիստում ելույթ ունենալով՝ նշեց «Քաղաքացիական պայմանագիր» խմբակցության պատգամավոր Գուրգեն Արսենյանը:
Պատգամավորի դիտարկմամբ՝ 2013-ին Սերժ Սարգսյանը փոխեց ՀՀ արտաքին քաղաքական վեկտորը և գնաց դեպի ԵԱՏՄ: «ՀՀ ժողովրդի շլինքին անհայտ ծագման երեք հարյուր միլիոն դոլար պարտք կախվեց իբր թե պարտք ենք «Գազպրոմին»»,- ընդգծեց Արսենյանը:
Պատգամավորը հայտարարեց, թե մինչ այդ Սերժ Սարգսյանին քննադատելու առիթով ինչ զանգ է ստացել. «Հունիսին ես ելույթ ունեցա ՀՀ ռադիոներից մեկում ու կոշտ դիրքորոշում հայտնեցի: Հաջորդ օրը իմ ծանոթներից մեկը զանգեց, ասաց, արի հանդիպենք: Նա ինձ հարցրեց՝ ինչո՞ւ ես քննադատում, ի՞նչն է պրոբլեմը: Էդ ընկերն ասաց՝ մի՛ անհանգստացիր, մենք ԵԱՏՄ մեջ մտնելու պայմանագիր ենք ստորագրելու: Էս մարդու անունը Արամ Վարդանյան էր կամ Վստրեչի ապեր: Նա գիտեր, որ մենք գնում էինք ԵԱՏՄ, ես՝ քաղաքական գործիչ լինելով, տեղյակ չէի, որ մենք գնալու էինք հայտնվելու այն համակարգում, որի կողմնակիցը ես էի: ՀՀ քաղաքական օրակարգերի մասին բավական տեղեկացված մարդիկ կան ՀՀ-ում, որոնք քաղաքականությամբ չեն զբաղվում»:
Դիմելով ընդդիմադիր պատգամավորներին՝ Արսենյանը կոչ արեց ավելի ճիշտ դրսևորել իրենց վերաբերմունքը և ընդգծեց. «Սսա ամենալեգիտիմ խորհրդարաններից մեկն է, որը տեսել եմ և որ գործելու է ՀՀ շահերի պաշտպանության և ՀՀ ժողովրդի բարեկեցության բարձրացման ուղղությամբ»:
