29.06.2026 | 22:03
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Լրագրողներին ԱԺ օթյակից հեռացնելու հարցը վերանայման ենթակա է. Ալեն Սիմոնյան
Քաղաքականություն
25.08.2021 | 18:50
Ազգային ժողովի նախագահ Ալեն Սիմոնյանն օգոստոսի 25-ին լրագրողների հետ ունեցած ճեպազրույցի ընթացքում խստորեն դատապարտեց ԱԺ նիստերի դահլիճում տեղի ունեցածը` շեշտելով, որ բռնությունն անընդունելի է եւ որեւէ արդարացում չունի: Այս մասին հայտնում է ԱԺ նախագահի մամուլի ծառայությունը։
ԱԺ նախագահի խոսքով` նիստերի դահլիճում նմանատիպ միջադեպերի կրկնության դեպքում լրագրողներին նախատեսված օթյակից հեռացնելու վերաբերյալ հարցը քննարկման ընթացքում է, եւ ամենայն հավանականությամբ այն վերանայման ենթակա է:
Միեւնույն ժամանակ նա ուշադրություն հրավիրեց այն փաստին, որ միջազգային պրակտիկայում սովորաբար նման դեպքերում կադրը փոխում են` հարգելով անձանց արժանապատվությունն ու բարի համբավը:
Եզրափակելով խոսքը` Ալեն Սիմոնյանը նշեց, որ ամենակարեւորը դեպքերի կրկնությունից խուսափելն է:
Ազգային ժողովի նախագահը պատասխանեց լրագրողների հարցերին, որոնց առանցքում հիմնականում օգոստոսի 24-ին եւ 25-ին Ազգային ժողովի նիստերի դահլիճում տեղի ունեցած իրադարձություններն էին:
