09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
Մոսկվան կարտաքսի բրիտանացի դիվանագետներին՝ ի պատասխան Լոնդոնի գործողությունների
Քաղաքականություն
15.03.2018 | 15:08
Մոսկվան կարտաքսի բրիտանացի դիվանագետներին՝ ի պատասխան Լոնդոնի գործողությունների: Այդ մասին «РИА Новости»-ին հայտնել է ՌԴ ԱԳՆ ղեկավար Սերգեյ Լավրովը:
Հարցին՝ ե՞րբ, Լավորվոը պատասխանել է՝ «շուտով»:
Նշենք, որ ՌԴ ԱԳՆ պաշտոնական ներկայացուցիչ Մարիա Զախարովան՝ խոսելով Միացյալ Թագավորության գործողությունների առնչությամբ ՌԴ-ի պատասխան քայլերի մասին այսօր կայացած ճեպազրույցի ժամանակ ասել էր. «Անկասկած պատասխան քայլեր են նախատեսվում: Հիմա դրանք մշակման փուլում են և կընդունվեն մոտ ժամանակներս»:
Հիշեցնենք, որ Մեծ Բրիտանիայի վարչապետ Թերեզա Մեյը հայտարարել էր, որ ՄԹ-ն «Սկրիպալի գործի» առնչությամբ 23 ռուս դիվանագետի կարտաքսի երկրից: «Նրանք երկրից հեռանալու համար մեկ շաբաթ ժամանակ ունեն»,- հայտարարել էր Մեյը: Նրա խոսքով՝ վերջին 30 տարվա ընթացքում, դա ամենամեծ արտաքսումն է: «Սա արտացոլում է այն փաստը, որ ռուսական պետությունը առաջին անգամը չէ, որ գործում է մեր երկրի դեմ», – ասել էր նա:
Հավելենք, որ ՌԴ հետախուզական գլխավոր վարչության նախկին աշխատակից Սերգեյ Սկրիպալը և նրա դուստր Յուլյան նյարդապարալիտիկ գազի ազդեցության են ենթարկվել անգլիական Սոլսբերի քաղաքի առևտրի կենտրոններից մեկում և անգիտակից վիճակում տեղափոխվել հիվանդանոց։
