07.11.2024 | 22:50
Ահաբեկչության մեղադրանքով 5 տարվա ազատազրկման դատապարտված դպրոցականի պատժաչափը կրճատել են 24 օրով
Չինաստանը Տիբեթում 10 հազար զինվորականի մասնակցությամբ զորավարժություններ է անցկացրել
Քաղաքականություն
25.08.2021 | 23:02
Չինաստանը լայնամասշտաբ զորավարժություններ է կազմակերպել ՉԺՀ Տիբեթի ինքնավար շրջանում՝ երկրի հարավ-արևմուտքում, գրեթե 10 հազար զինծառայողի մասնակցությամբ: Այդ մասին չորեքշաբթի օրը հայտարարել է Չինաստանի կենտրոնական հեռուստատեսությունը, գրում է EADaily-ն:
«Ձյունե առաքելություն 2021» վարժանքներն անցկացվել են բարձր լեռնային տարածքում՝ ծովի մակարդակից 4500 մետր բարձրության վրա: Դրանց մասնակցել են Չինաստանի Ժողովրդա -ազատագրական բանակի տիբեթյան ռազմական շրջանի էլիտար զինվորները:
Տեղեկացվում է, որ զորավարժություններին ներգրավվել են մոտորահրաձգային զորքերն ու ռազմական ուղղաթիռները։ Զինծառայողները կրակային վարժանքներ են իրականացրել ինչպես ցերեկը, այնպես էլ՝ գիշերային պայմաններում։
Հավելենք, որ օգոստոսի 19-ին ՉԺՀ Տիբեթի Ինքնավար մարզը տոնել է Տիբեթի խաղաղ ազատագրման 70 -ամյակը:
1951-ի մայիսին Պեկինը Տիբեթի տեղական իշխանությունների ներկայացուցիչների հետ ստորագրել է 17 կետից բաղկացած համաձայնագիր՝ տարածաշրջանի խաղաղ ազատագրման և ՉԺՀ-ի կազմի մեջ մտնելու վերաբերյալ:
Տաթև Ֆռանգյան
