19.12.2025 | 11:18
ԱՄՆ-ն դադարեցրել է Գրին քարտի խաղարկության ծրագիրը Ռոդ Այլենդի Բրաունի համալսարանում կրակոցներից հետո
Անմակարդակը դո՛ւ ես․ Աննա Մկրտչյանն արձագանքեց Աղաջանյանի ելույթին. ՏԵՍԱՆՅՈՒԹ
Քաղաքականություն
25.08.2021 | 13:55
«Քաղաքացիական պայմանագիր» խմբակցության պատգամավոր Էդուարդ Աղաջանյանը ԱԺ ամբիոնից ներողություն խնդրեց հանրությունից խորհրդարանում թե՛ երեկ, թե՛ այսօր տեղի ունեցած միջադեպերի համար:
Անդրադառնալով երեկվա միջադեպին՝ Աղաջանյանը նշեց. «Կարծում եմ և վստահ եմ, որ դա տիկին Մկրտչյանի շարունակ կրկնվող, սադրիչ, բովանդակազուրկ և անմակարդակ խոսակցությունների հետևանք էր»:
«Անմակարդակը դու ես»,- տեղից արձագանքեց «Հայաստան» խմբակցության պատգամավոր Աննա Մկրտչյանը:
ԱԺ նախագահ Ալեն Սիմոնյանը Մկրտչյանին հորդորեց լռել, իսկ Աղաջանյանին հորդորեց որակումներից զերծ մնալ: Աղաջանյանը պարզաբանեց, որ իր որակումները ելույթին են վերաբերում, ոչ թե անձին:
Աղաջանյանի խոսքով՝ այսօր տեղի ունեցած միջադեպը, մասնավորապես Սեյրան Օհանյանի՝ շիշ նետելը ելույթ ունեցողի ուղղությամբ, շատ վատ նախադեպ է:
«Գործ ունենք մի ընդդիմության հետ, որը 8 ամիս շարունակ բոլոր հնարավոր հարթակներում լկտի բառապաշարով խոսել է, հայհոյել է մեզ և ժողովրդին»,-ասաց Աղաջանյանը՝ արձանագրելով նաև, որ խորհրդարանում կառավարության ծրագրի բովանդակային քննարկում տեղի չի ունենում:
Մանրամասները՝ տեսանյութում:
