24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Դե ասեք՝ ո՞ւմ կուսակիցներն էին գնում Ղարաբաղ ասում՝ մի՛ կռվեք, էս հողերը ծախած ա․ Վաղարշակ Հակոբյան. ՏԵՍԱՆՅՈՒԹ
Տեսանյութեր
25.08.2021 | 13:33
«Այսպիսի կապիկություններվ անհնար է մեզ շեղել բուն աշխատանքից, մենք իրականացնելու ենք կառավարության ծրագրի քննարկումը, մենք աշխատելու ենք ի բարօրություն ՀՀ քաղաքացիների»,- ԱԺում իր ելույթում այս մասին նշեց «Քաղաքացիական պայմանագիր» խմբակցության պատգամավոր Վաղարշակ Հակոբյանը:
Անդրադառնալով խորհրդարանում այսօր հնչած ելույթներին՝ Հակոբյանը նշեց. «Ինձանից առաջ ելույթ ունեցողներից մեկը, որը շատ կեղծ հուզմունքով հիշել էր դրվագներ պատերազմից, միգուցե մեկնաբանի՞, թե այդ ում ընկերներն էին կամ կուսակիցներն էին գնում Ղարաբաղ, զինվորներին ասում՝ մի՛ կռվեք, այս հողերը ծախված են»:
Պատգամավորն ընդգծեց, որ անժխտելի է իր կուսակցի հայտարարությունը, թե այն նախարարները, որոնց օրոք բանակից փողով կամ զանգով մարդիկ են ազատվել, դավաճան են: Նա հավելեց, որ դավաճան են նաև երկրի այն ղեկավարները, որոնց օրոք բանակից փողով մարդիկ են ազատվել:
«Ո՞վ է մեզնից հողատու և դավաճան: Ամենամեծ հողատուն և դավաճանը դուք եք, որովհետև 60 հազար քառակուսի կիլոմետր տարածքից թողել եք 30 հազար կիլոմետր»,- վրդովվեց Վաղարշակ Հակոբյանը՝ դիմելով ընդդիմադիր գործընկերներին ու անդրադառնալով նրանց քննադատություններին:
Մանրամասները՝ տեսանյութում:
