15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Դավաճան է նա, ով Լոռու մարզում 3000 դոլարով ազատվել է բանակից․ Գեղամ Մանուկյան․ ՏԵՍԱՆՅՈՒԹ
Քաղաքականություն
25.08.2021 | 12:48
Դավաճան է նա, ով փող է տալիս ու բանակից ազատվում, դավաճան է նա, ով օրինակ, Լոռու մարզում ժամանակին 3000 դոլարով ազատվել է ու այսօր ճղճղում է։ Այս մասին այսօր՝ օգոստոսի 25-ին, ԱԺ ամբիոնից հայտարարեց «Հայաստան» խմբակցության պատգամավոր Գեղամ Մանուկյանը:
Իշխող ուժի պատգամավորները պահանջեցին անուն տալ, սակայն Մանուկյանը հրաժարվեց։ «Անուն – ազգանունով չեմ ասի։ Խոստանում եմ, որ իրավապահ մարմիններին տեղյակ կպահեմ»,- նշեց Գեղամ Մանուկյանը։
Ընդդիմադիր պատգամավորն անդրադարձավ կառավարության ծրագրին, որով նախատեսվում է ծառայության ժամկետի կրճատում և սահմանին սահմանապահ զորքերի տեղակայում։
«Ով մտածել է, թե վայ ինչ լավ է, որ իմ տղան շուտով առաջնագծում չի կանգնելու, երկու տարի չի ծառայելու, ուշադիր կարդացեք Կառավարության ծրագիրը, որում ասվում է. «աստիճանաբար անցում կկատարավի արհեստավարժ, պրոֆեսիոնալ բանակի, էականորեն կփոխվի ժամկետային զորահավաքային զինծատռայության կառուցվածքը։
Սիրելի՛ հայրենակիցներ, սա այս տարվա, մյուս տարվա համար չէ այս խոստումը, նկատի ունեցեք, սա ապագայի համար է գրված, և դատելով այս կառավարության գործունեությունից, կարծում եմ՝ դժվար թե իրականացվի»,- ասաց Գեղամ Մանուկյանը։
Պատգամավորն անդրադարձավ նաև Հոկտեմբերի 27-ի շուրջ խոսակցություններին։ Նա առաջարկեց դասընթաց կազմակերպել, որին կարող է հրավիրվել Գագիկ Ջհանգիրյանը, Արամ Զավենի Սարգսյանը, որն ըստ նրա՝ «դառնալով վարչապետ, մեկ տարի շարունակ ինչ ուզել՝ արել է։ Հրավիրյալների շարքում ըստ Մանուկյանի՝ կարող են լինել նաև Անդրանիկ Քոչարյանը, Գագիկ Մելքոնյանը… «Մելքոնյան Գագոյին էլ հարցրեք՝ ո՞նց եղավ, որ նա ստացավ գեներալ – մայորի կոչում»,– հավելեց Մանուկյանը։
Մանրամասները՝ տեսանյութում:
