15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
ԱՄՆ հետախուզությունը COVID-19-ի ծագման վերաբերյալ զեկույց է ներկայացրել Ջո Բայդենին․ Washington Post
Քաղաքականություն
25.08.2021 | 16:50
ԱՄՆ հետախուզությունը COVID-19-ի ծագման վերաբերյալ զեկույց է ներկայացրել ԱՄՆ նախագահ Ջո Բայդենին, սակայն հստակ եզրակացություններ չկան, հաղորդում է Washington Post-ը՝ հղում անելով սեփական աղբյուրներին:
Հրատարակչության երկու զրուցակիցների խոսքերով` փաստաթղթի հեղինակները կոնկրետ եզրակացության չեն եկել այն հարցի վերաբերյալ, թե արդյոք այս հարուցիչը բնական գործընթացում ««ցատկել» է կենդանուց մարդուն, թե «փախել է» Չինաստանի լաբորատորիայից»:
Այս տարվա մայիսին Սպիտակ տունը տարածեց հաղորդագրություն, համաձայն որի ՝ գիտական լաբորատորիայում վթարի հետևանքով կորոնավիրուսի տարածման վարկածը դեռևս չի բացառվում: Դրանում մեջբերվում են նախագահ Ջո Բայդենի այն խոսքերը, որ ԱՄՆ հետախուզական համայնքը «միավորվել է երկու հնարավոր սցենարների շուրջ, սակայն վերջնական եզրակացության չի եկել այս հարցում»:
ԱՄՆ առաջնորդն այնուհետև հետախուզությանը խնդրել է «կրկնապատկել ջանքերը տեղեկատվության հավաքման և վերլուծման համար, որը կօգնի մեզ հարցի վերաբերյալ մոտենալ վերջնական եզրակացության» և արդյունքների մասին հայտնել 90 օրվա ընթացքում:
Տաթև Ֆռանգյան
