09.08.2026 | 20:32
Իսրայելը մերժել է Գազայի հատվածի վերաբերյալ Թրամփի ծրագիրը
Թուրքիայում հայտարարել են, որ Աֆղանստանից գեթ մեկ փախստականի չեն կարող ընդունել
24.08.2021 | 16:19
Թուրքիան ի վիճակի չէ Աֆղանստանից որևէ փախստականի ընդունել․ այս մասին հայտարարել է Թուրքիայի իշխող «Արդարություն ու զարգացում» կուսակցության մամուլի խոսնակ Օմեր Չելիքը։
«Թուրքիան փախստականների համար ճամբար չէ։ Մենք այլևս հնարավորություն չունենք ընդունելու նույնիսկ մեկ փախստականի։ Մենք ինքներս որոշում կկայացնենք։ Մենք շատ մանրակրկիտ մեր սահմանները պահպանում ենք»,- Չելիքի խոսքերն է մեջբերում «ՌԻԱ Նովոստի»-ն։
Նրա խոսքով՝ Թուրքիայի նախագահ Ռեջեփ Թայիփ Էրդողանն էլ հանդես է գալիս Աֆղանստանում ճգնաժամի համապարփակ լուծման օգտին։
«Նա ինտենսիվ միջազգային դիվանագիտություն է վարում, Աֆղանստանում իրավիճակը քննարկել է Պուտինի, Մերկելի հետ։ Մենք ուշադրությամբ հետևում ենք Աֆղանստանում մարդու իրավունքների թեմային։ Չպետք է աֆղան ժողովրդին թողնել միայնակ, այնտեղ հիմա իսկական դրամա է տեղի ունենում»,- ասել է իշխող կուսակցության խոսնակը։
Հավելենք, որ ավելի վաղ նախագահ Էրդողանը հայտարարել էր, որ Թուրքիան մտադիր չէ Եվրոպայի համար «միգրանտների պահեստի դեր կատարել»։
Էմմա Չոբանյան
