23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
ԱՊՀ պետությունների ղեկավարների խորհրդի նիստը կարող է անցկացվել առկա ձևաչափով
Քաղաքականություն
24.08.2021 | 18:20
ԱՊՀ-ի Արտաքին գործերի նախարարների խորհրդի և ԱՊՀ պետությունների ղեկավարների խորհրդի նիստերը, որոնք նախատեսված են հոկտեմբերի 14-15-ը Մինսկում, կարող են անցկացվել առկա ձևաչափով, Համագործակցության երկրները դրան չեն առարկում: Այս մասին հայտարարել է Գործադիր կոմիտեի նախագահ, ԱՊՀ գործադիր քարտուղար Սերգեյ Լեբեդևը` ԱՊՀ երկրների մշտական ներկայացուցիչների խորհրդի նիստից առաջ պատասխանելով ՏԱՍՍ -ի հարցին:
«Այժմ ամեն բան գնում է նրան, որպեսզի այդ հանդիպումներն առկա ձևաչափով անցկացվեն։ Դրան է տրամադրված Բելառուսի ղեկավարությունը, ԱՊՀ-ի Գործադիր կոմիտեն պաշտպանում է այդ ձգտումը: Առայժմ պետություններից ոչ մեկից մենք առարկություններ չենք ստացել առկա ձևաչափով հանդիպումն անցկացնելու վերաբերյալ: Մենք մեծ հույսեր ունենք, որ այդ պլանները կիրականանան»,- նշել է քարտուղարը:
Լեբեդևն ասել է, որ առաջիկա հանդիպումների օրակարգերի համաձայնեցման գործընթացը գտնվում է վերջնական փուլում:
«Մենք հույս ունենք, որ այսօր թե՛ արտգործնախարարների, թե՛ ԱՊՀ պետությունների ղեկավարների կողմից քննարկվելիք հարցերը գործնականում կհամաձայնեցվեն վերջնական տարբերակով»,- ասել է Լեբեդևը:
Տաթև Ֆռանգյան
