Քաղաքականություն
24.08.2021 | 16:08
Օգոստոսի 23-ին Արցախի Հանրապետության արտաքին գործերի նախարար Դավիթ Բաբայանը հանդիպել է «Քաղաքացիական միացյալ դաշինք» կուսակցության նախաձեռնած՝ «Քննարկումների ակումբ» նախագծին մասնակից երիտասարդների հետ։
Ինչպես տեղեկացրին Արցախի Հանրապետության ԱԳՆ տեղեկատվության և հասարակայնության հետ կապերի վարչությունից, հանդիպմանն արծարծվել են արտաքին քաղաքականությանը, ադրբեջանա-ղարաբաղյան հակամարտությանը, տարածաշրջանային գործընթացներին, պետականաշինությանն առնչվող տարբեր հարցեր, տեղի է ունեցել մտքերի փոխանակություն։
Նախարարը կարևորել է երիտասարդների հետ երկխոսության նման ձևաչափը՝ այն համարելով երկուստեք օգտակար։
