17.09.2026 | 09:29
Հայ հոգևոր առաջնորդները Սպիտակ տան Օվալաձև գրասենյակում հանդիպել են Թրամփին և աղոթել Հայաստանի ու ԱՄՆ-ի խաղաղության համար
Արծվիկ Մինասյանին հարվածել են, հանցագործության մասին հաղորդում ենք ներկայացնելու. Վարդևանյան․ ՏԵՍԱՆՅՈՒԹ
Քաղաքականություն
24.08.2021 | 15:19
«Հայաստան» խմբակցության քարտուղար Արծվիկ Մինասյանն Ազգային ժողովում տեղի ունեցած ծեծկռտուքի արդյունքում մարմնական վնասվածք է ստացել, որն իրենից ակնհայտորեն ենթադրում է քրեորեն հետապնդելի արարք։ Այս մասին լրագրողների հետ զրույցում ասաց «Հայաստան» խմբակցության պատգամավոր Արամ Վարդևանյանը։
«Հաղորդում ենք ներկայացնելու հանցագործության մասին։ Ճիշտ կլինի նաև, որ պարոն Մինասյանը դատաբժշկական փորձաքննության ենթարկվի, և այն մարդիկ, որոնք հարվածներ են հասցրել Արծվիկ Մինասյանին, ենթարկվելու են քրեական պատասխանատվության։ Դա ուղղակի հրմշտոց չէր, այլ խուլիգանական վարքագիծ, ինչի դրսևորողները պետք է պատժվեն օրենքի ողջ խստությամբ»,- ասաց նա։
Արամ Վարդևանյանի կարծիքով՝ այս միջադեպը Հայաստանի խորհրդարանական համակարգի պատմության խայտառակ էջերից մեկն է. «Սա դառնալու է բավականին էական քրեական գործ։ իսկ Աննա Մկրտչյանի նկատմամբ դրսևորած վարքագիծը մարդկայնորեն գարշանք էր առաջացնում, որ տղամարդը կարող է նման վարքագիծ դրսևորել երիտասարդ աղջկա հանդեպ»:
«Երբ մենք խոսում ենք բռնապետության մասին, շատերը միգուցե դա ընկալում էին որպես շատ խիստ գնահատական։ Երևի թե նախկին շատ տարբեր բռնապետների՝ Սադամ Հուսեյնի, Պինոչետի կամ այլ բռնապետների օրոք դուք նման վարքագիծ պառլամենտական շենքում երբևէ չէիք տեսնի»,- նշեց Վարդևանյանը։
Մանրամասները՝ տեսանյութում:
