18.01.2026 | 11:31
Վթարային ջրանջատում Վայոց Ձորի մարզում
Հրմշտոց ԱԺ-ում. 3 խմբակցությունների պատգամավորներ հարձակվեցին իրար վրա․ՏԵՍԱՆՅՈՒԹ
Տեսանյութեր
24.08.2021 | 14:54
Ազգային ժողովում վարչապետ Նիկոլ Փաշինյանի հետ հարցուպատասխանի մեկնարկին ԱԺ-ում իրավիճակը լարվեց։
«Հարգելի՛ հայրենակիցներ, ձեր որևէ կերպ ընդձեռնված չէ տեսնելու այն իրականությունը, որը հիմա կա այս դահլիճում։ Հիմա այս անձնավորությունն իր հետ դահլիճ է բերել ախրաննիկներ, որոնք երբևէ Ազգային ժողովի դահլիճ չեն մտել»,- իր խոսքում նշեց «Պատիվ ունեմ» խմբակցության պատգամավոր Աննա Մկրտչյանը՝ մի շարք հիշեցումներ անելուց հետո:
ԱԺ նախագահ Ալեն Սիմոնյանն ընդհատեց նրան: Երբ Աննա Մկրտչյանը կապիտուլյանտ բառն օգտագործեց, բարձրախոսն անջատվեց։ Մկրտչյանի հայտարարությունից հետո Ալեն Սիմոնյանը նրան նախազգուշացում հայտարարեց։
«Քաղաքացիական պայմանագիր» խմբակցության մի շարք պատգամավորներ սկսեցին աղմկել դահլիճում։ ԱԺ նախագահը նախազգուշացում հայտարարեց ՔՊ պատգամավոր Հրաչյա Հակոբյանին և Արման Եղոյանին։
Նիկոլ Փաշինյանն ասաց, որ իրեն հարց չի ուղղվել, հետևաբար արձագանքելու անհրաժեշտություն չկա։
Դահլիճում լռություն չէր պահպանվում։ «Տիկին Մկրտչյա՛ն, մի ստիպեք՝ այսօր ձեզ զրկեմ խոսքի իրավունքից։ Դուք հարց չէիք տալիս, դուք սադրում էիք: Ես մեկ նիստի իրավունքից զրկում եմ ձեզ և դուրս կհրավիրեմ»,- ասաց Սիմոնյանը։
ԱԺ-ում իրարանցում սկսվեց, ԱԺ նախագահն ընդմիջում հայտարարեց:
Մանրամասները՝ տեսանյութում:
