17.12.2025 | 12:54
Դատարանը ՊՍԺ-ին պարտավորեցրել է 61 միլիոն եվրո վճարել Մբապեին
Թուրքիայի Չանաքքալե նահանգում անտառային հրդեհներ են բռնկվել
Քաղաքականություն
23.08.2021 | 19:43
Թուրքիայի հյուսիսարևելյան Չանաքքալե նահանգի Կազ լեռներում անտառային հրդեհներ են բռնկվել օգոստոսի 23-ին` ավելի վաղ Էգեյան ու Միջերկրական ծովափնյա նահանգներում բռնկված ավերիչ հրդեհներից հետո։ Գրում է Duvar-ը։
Նշվում է, որ այստեղ ժամանակին վիճահարույց հանքարդյունաբերական աշխատանքներ են իրականացվել կանադական Alamos Gold ընկերության կողմից։ Բնապահպաններն էլ զգուշացնում են կառավարությանը զբաղվել հիդեհի մարման աշխատանքներով՝ թույլ չտալու համար դրա հետագա տարածումը։
«Kazdağları Istanbul Solidarity» պլատֆորմը հայտնում է, որ հրդեհաշիջման աշխատանքներում մեկ ինքնաթիռ ու 7 ուղղաթիռ է մասնակցում։ Կազմակերպությունը նաև հայտնում է, որ մեկ հրդեհաշիջող ինքնաթիռ է հայտնվել տարածքում, որն այնուհետ անհետացել է։
Հրդեհաշիջող ինքնաթիռների բացակայությունը երկրում իր բացասական ազդեցությունն ունեցավ հուլիսի 28-ին Թուրքիայի հարավում բռնկված անտառային հրդեհների ժամանակ, որն ավերիչ ազդեցություն ունեցավ։ Թուրքիայում երկու շաբաթ շարունակ չէր հաջողվում հրդեհները մեկուսացնել։
Էմմա Չոբանյան
