29.06.2026 | 18:47
Կայա Կալլասը Կովկասի զարգացումների համատեքստում խոսել է Թուրքիայի ռազմավարական կարևորությունից
Թալիբները երեք կողմից պաշարել են Փանջշիրի կիրճը
Քաղաքականություն
23.08.2021 | 18:44
«Թալիբները» երեք կողմից պաշարել են Աֆղանստանի հյուսիսում գտնվող Փանջշիրի կիրճը, որը հակաթալիբանական դիմադրության կենտրոնն է։ «Գրանի․ռու»-ի հաղորդմամբ՝ այս մասին Թվիթերում հայտնել է շարժման ներկայացուցիչ Զահիբուլլա Մուջահիդը։
Ավելի վաղ «Թալիբանը» հայտարարել էր Փանջշեր հարյուրավոր մարտիկներ ուղարկելու մասին։ Մուջահիդի պնդմամբ՝ թալիբներն արգելափակել են Փանջշիրը հարևան Տախար, Բադախշան ու Անդաբար նահանգների կողմից։ Ընդ որում, նա հավելել է, որ Փանձշիրի սահմանին գտնվող Սալանգ թունելն ու դրա հարակից մայրուղին բաց են։
«Մենք ձգտում ենք խաղաղ կարգավորման, մենք փորձում ենք հարցը լուծել բանակցությունների միջոցով», – վստահեցրել է զինյալների ներկայացուցիչը:
Մուջահիդը պնդում է, որ թալիբները վերահսկողություն են հաստատել Բաղլան նահանգի և հարևան Պանդշիրի երեք շրջանների ՝ Պուլի Հիսարի, Բանուի և Դիխ Սալահի վրա, որոնց գրավման մասին ավելի վաղ հայտարարել էին ապստամբները:
Ինչպես նշել է TOLONews հեռուստաալիքը, Բաղլանում տեղի ունեցած մարտերը Թալիբանի կողմից Քաբուլի գրավումից ի վեր՝ առաջին զինված բախումներն են:
Հաղորդվում է, որ երկու կողմերն էլ մեծ կորուստներ են կրել: Երեք շրջանների ազատագրումից հետո ապստամբները մտադիր էին գնալ Խինջանի շրջան և գրավել ամբողջ նահանգը, ասել է Բանու Ասադուլլահի նախկին ոստիկանապետը:
Կիրակի օրը թալիբները վերջնագիր էին ներկայացրել ապստամբներին ՝ 4 ժամվա ընթացքում Փանջշիրի վերահսկողությունը իսլամիստներին փոխանցելու համար:
Դիմադրության առաջնորդներից Ահմադ Մասուդը մերժել էր նրանց:
