18.01.2026 | 19:11
Խուսափեք երրորդ կողմերի միջամտությունից և հավելյալ վճարներից․ ՀՀ-ում ԱՄՆ դեսպանատնից զգուշացնում են
Չավուշօղլուն հայտարարել է, որ Թուրքիան երբեք չի ճանաչել ու չի ճանաչի «Ղրիմի բռնակցումը»
Քաղաքականություն
23.08.2021 | 18:05
Թուրքիան աջակցում է Ուկրաինայի սահմանների ամբողջականությանը, երբեք չի ճանաչել ու չի ճանաչի «Ղրիմի բռնակցումը» ,- հայտարարել է Թուրքիայի արտաքին գործերի նախարար Մևլութ Չավուշօղլուն «Ղրիմի պլատֆորմ» գագաթնաժողովից առաջ լրագրողների հետ զրույցում։ «Անադոլու» գործակալության հաղորդմամբ՝ Չավուշօղլուն հայտարարել է, որ Թուրքիան մասնակցում է գագաթնաժողովին Ուկրաինայի տարածքային ամբողջականությանն աջակցության համար։
«Մենք մեր աջակցությունն ենք հայտնում մյուս բարեկամական ու դաշնակից երկրներին, որոնք ճանաչում են Ուկրաինայի ու Ղրիմի տարածքային ամբողջականությունն ու սահմանների անխախտելիությունը»,- ասել է Թուրքիայի ԱԳ նախարարը՝ հույս հայտնելով, որ «Ղրիմի պալտֆորմը» կարևոր դերակատարում կունենա Ղրիմի թաթարների իրավունքների պաշտպանության ու Ուկրաինայի սահմանների ամբողջականության պահպանման գործում։
Չավուշօղլուն նաև խոսել է Թուրքիայի ու Ուկրաինայի երկկողմ հարաբերություններից։
«Մենք մեծ ջանքեր ենք գործադրում տարբեր ոլորտներում մեր հարաբերությունները զարգացնելու համար: Հոկտեմբերին ես կրկին կժամանեմ Ուկրաինա ՝ մասնակցելու Համատեղ ռազմավարական պլանավորման հանդիպմանը իմ գործընկեր՝ Դմիտրի Կուլեբայի հետ »,- ասել է Թուրքիայի արտաքին գերատեսչության ղեկավարը։
Էմմա Չոբանյան
