23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Հայաստանի նախագահությամբ ՀԱՊԿ առաջնահերթությունները մշակման փուլում են․ Զաս
Քաղաքականություն
23.08.2021 | 18:27
Հայաստանի նախագահությամբ Հավաքական անվտանգության պայմանագրի կազմակերպության (ՀԱՊԿ) առաջնահերթությունները մշակման փուլում են: Այդ մասին երկուշաբթի օրը կայացած ճեպազրույցի ժամանակ հայտարարել է ՀԱՊԿ գլխավոր քարտուղար Ստանիսլավ Զասը, գրում է ՏԱՍՍ-ը:
«Այժմ Հայաստանի Հանրապետությունում աշխատանքներ են տարվում նախագահության առաջնահերթությունները ձևակերպելու ուղղությամբ: Այս հարցը քննարկվել է նաև Երևան կատարած իմ վերջին ուղևորության ընթացքում: Մենք հայտնել ենք մեր առաջարկները: Աշխատանքներն այժմ տարվում են: Դեռ վաղ է խոսել այն մասին, թե որոնք են լինելու գալիք տարվա առաջնահերթությունները մեր կազմակերպությունում», – ասել է նա:
Զասը շեշտել է, որ Հայաստանը միշտ ակտիվ դիրք է զբաղեցրել ՀԱՊԿ-ում և իրական հետաքրքրվածություն է ցուցաբերել կազմակերպության հզորացման և զարգացման հարցում:
«Վստահ եմ, որ գալիք տարին մեզ թույլ կտա որոշակի քայլեր ձեռնարկել արդյունավետությունը բարձրացնելու համար», – եզրափակել է նա:
Տաթև Ֆռանգյան
