11.10.2026 | 12:06
Հայ զինծառայողները վարժանքներ են անցկացրել «Արամազդ» հրետանային միջոցով և նոր տեխնիկայով
Էրդողանը մերժել է Աֆղանստանից փախստականների ընդունման ԵՄ առաջարկը
Քաղաքականություն
23.08.2021 | 14:39
Թուրքիայի նախագահ Ռեջեփ Թայիփ Էրդողանը հայտարարել է, որ Անկարան չի կարող փրկել ԵՄ-ին ու ընդունել աֆղան փախստականներին, որոնք աշխատել են Արևմտյան երկրների համար, գրում է Middle East Eye-ը։
«Մենք ստացել ենք խնդրանք՝ ընդունելու Աֆղանստանում ԵՄ առաքելության տեղացի աշխատակիցներին»,- ասել է Էրդողանը Եվրոպական խորհրդի նախագահ Շառլ Միշելի հետ նախօրեին կայացած հեռախոսազրույցում։
«Անդամ պետություններn իրենց դռները բացում են միայն մարդկանց այն փոքր հատվածի համար, որոնք ծառայել են իրենց ու դժվարությունների մեջ են։ Չեք կարող ակնկալել, որ Թուրքիան իր վրա կվերցնի երրորդ երկրների պատասխանատվությունը»,-ասել է Էրդողանը։
Իր հերթին, Շառլ Միշելը թվիթերյան իր գրառմամբ հաստատել է Էրդողանի հետ Աֆղանստանում իրավիճակի քննարկումը՝ այն բնութագրելով, որպես «ընդհանուր մարտահրավեր Թուրքիայի ու ԵՄ-ի համար»։
«Ռեջեփ Թայիփ Էրդողանի հետ քննարկեցինք վերջին զարգացումներն Աֆղանստանում ՝ընդհանուր մարտահրավեր Թուրքիայի ու ԵՄ-ի համար։ Լիակատար ըմբռնում՝ քաղաքացիների, տեղական անձնակազմերի ու նրանց ընտանքի անդամների ավտանգ ելքն ապահովելու, ինչպես նաև խոցելի աֆղաններին ու տարածաշրջանում ընդունող համայնքների աջակցության շուրջ»,-գրել է Եվրոպական խորհրդի նախագահը։
Ավելի վաղ էլ Եվրոպական հանձնաժողովի նախագահ Ուրսուլա ֆոն դեր Լայենը կոչ էր արել բոլոր՝ հատկապես եվրոպական երկրներին ընդունել աֆղան փախստականների։
Էմմա Չոբանյան
