18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Քաբուլի օդանավակայանի մոտ փոխհրաձգություն է տեղի ունեցել․ կան վիրավորներ և զոհ
Քաղաքականություն
23.08.2021 | 11:13
Քաբուլի օդանավակայանի մոտ տեղի ունեցած միջադեպի հետևանքով Աֆղանստանի անվտանգության ուժերի զինծառայողներից մեկը զոհվել է, երեքը՝ վիրավորվել։ «ՌԻԱ Նովոստիի» հաղորդմամբ` այս մասին հայտնել է բունդեսվերը:
«Այսօր՝ առավոտյան ժամը 4:13-ին, Աֆղանստանի անվտանգության ուժերի և անհայտ հարձակվողների միջև փոխհրաձգություն է տեղի ունեցել Քաբուլի օդանավակայանի հյուսիսային դարպասների մոտ»,- ասված է օպերատիվ հրամանատարության Twitter-յան էջում:
Նշվում է, որ ամերիկացի և գերմանացի զինվորականները նույնպես կրակ են բացել, նրանց թվում տուժածներ չկան:
Հիշեցնենք, որ թալիբների՝ Քաբուլ մտելուց հետո, հազարավոր մարդիկ սկսել են հավաքվել մայրաքաղաքի օդանավակայանում՝ երկրից հեռանալու հույսով: Արդյունքում հրմշտոց է սկսվել, ամերիկացի և բրիտանացի զինվորականները նախազգուշական օդ են կրակել: Մի քանի մարդ մահացել է, այդ թվում՝ վայր ընկնելով թռչող ինքնաթիռի շասսիից:
Տաթև Ֆռանգյան
