19.12.2025 | 18:30
Ալեքսանդր Գրիգորյան․ Հիմա Սպերցյանը կարիերայի լավագույն մարզավիճակում է
Էրդողանը կրկին քննադատությունների կենտրոնում է․ պատճառը անվտանգության ապահովման համար իրականացված 150 մլն լիրա ծախսն է
Քաղաքականություն
20.08.2021 | 22:15
Թուրքիայի նախագահ Ռեջեփ Թայիփ Էրդողանը կրկին հայտնվել է քննադատությունների կենտրոնում, այս անգամ անվտանգության ապահովման ծախսերով․ 2021-ի առաջին կիսամյակում այդ ծախսը կազմել է 150 մլն լիրա։
Նախագահի անվտանգության բյուջեն անգամ գերազանցել նաև կիբերանվտանգության, թմրանյութերի ու կազմակերպված հանցավորության դեմ պայքարի, հետախուզության վարչությունների բյուջեները։
Նախագահի անվտանգության վարչության պաշտոնական պարտականությունները սահմանում են «նախագահի ու նրա ընտանիքի, ինչպես նաև նրանց հեղինակության, բնակության վայրերի, գրասենյակների ու տրանսպորտային միջոցների պաշտպանությունը»։ Նշվում է նաև, որ ցանկացած վայր, որտեղ գտնվում է նախագահը , նույնպես մտնում է գրասենյակի պաշտպանության պարտականությունների մեջ։
Հավելենք, որ Էրդողանի վարկանիշը սահուն կերպով անկում է ապրում, որը հիմնականում պայմանավորված է նրա ձախողված տնտեսական քաղաքականությամբ, գնաճով, գործազրկության ավելացմամբ։ Բացի այդ վերջին շրջանում Էրդողանից դժգոհությունները սկսեցին աճել երկրին պատուհասած հրդեհների ու ջրհեղեղների՝ աղետների կանխարգելման ու հետևանքների վերացման դեմ պայքարում կառավարության անկարողունակության պատճառով։
Էմմա Չոբանյան
