19.05.2026 | 12:02
«Անկախ դիտորդը» անհամաչափ և ընտրողական է համարում Արթուր Օսիպյանի ձերբակալությունը
Եղցահողում ռուս խաղաղապահները պարեկային ծառայություն կիրականացնեն
Քաղաքականություն
20.08.2021 | 12:51
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Շուշիի շրջանի Եղցահող գյուղում այս պահին ռուս խաղաղապահները պարեկային ծառայություն են իրականացնում։ Այս մասին Factor.am-ի հետ զրույցում ասաց Եղցահողի գյուղապետ Արտակ Հակոբյանը։ Նրա խոսքով՝ այս պահին ադրբեջանական զորքը մոտ 2 կմ հետ է քաշվել և վերատեղակայվել իրենց նախկին բնագծերում, իրենց հերթին Պաշտպանության բանակի զինծառայողները մոտ 3 կմ հետ է քաշվել։
«Օգոստոսի 16-ին եմ իմացել, որ ինչ-որ պայմանավորվածություն կա զորքերը հետ քաշելու և նրանց փոխարեն ռուս խաղաղապահներ տեղակայելու մասով։ Ինձ ոչ ոք տեղյակ չի պահել այդ փոփոխության մասին, բայց գյուղում ամեն ինչ հանգիստ է, դա ոչ մեկիս մոտ անհանգստություն չի առաջացրել։ Էլի ամեն մեկն իր գործին է»,- ասում է գյուղապետը։
Հատկանշական է, սակայն, որ օգոստոսի 18-ին խորհրդարանում լրագրողների հետ զրույցում ՀՀ զինված ուժերի գլխավոր շտաբի պետի տեղակալ Էդվարդ Ասրյանը հերքեց հայկական ուժերի հետ քաշվելու տեղեկությունը։ Նրա պնդմամբ՝ հայկական զինված ուժերն Արցախում կանգնած են այն բնագծերում, որում կանգնած են եղել նոյեմբերի 9-ի դրությամբ։
Հիշեցնենք, որ Եղցահողը, Հին Շենն ու Մեծ Շենը Շուշիի շրջանի այն գյուղերից են, որոնք պատերազմի ավարտից հետո մնացել են հայկական վերահսկողության տակ։ Նախորդ տարվա դեկտեմբերին նաև Հին Շեն գյուղից դուրս էին բերվել հայկական ուժերը, նրանց փոխարեն տեղակայվել էին ռուս խաղաղապահներ։ Վերջիններս պարեկային ծառայություն են իրականացնում նաև Մեծ Շեն համայնքում։
Ռոզա Վարդանյան
