Քաղաքականություն
17.08.2021 | 18:15
Ֆրանսիայի հարավում հազարավոր մարդիկ են տարհանվել, քանի որ անտառային հրդեհները մոլեգնում են Սեն-Տրոպե հանգստավայրում, հայտնում է «Al Jazeera»-ն՝ հղում կատարելով Ֆրանսիայի հրշեջ ծառայությանը:
Բարձր ջերմաստիճանի ու ուժեղ քամիների պայմաններում շուրջ 750 հրշեջներ ու ջրցան ինքնաթիռներ պայքարում են կրակի դեմ:
«Հազարավոր մարդիկ տարհանվել են նախազգուշական միջոցառման շրջանակներում, զոհեր չկան», – երեքշաբթի հայտնել է հրշեջ ծառայության ներկայացուցիչը՝ հավելելով, որ կրակը «դեռ շատ սաստիկ է»:
Ֆրանսիան Միջերկրածովյան երկրներից մեկն է, որը տուժել է ծայրահեղ եղանակի և անտառային հրդեհների պատճառով, ինչը, կլիմայի հարցերով գիտնականները նախազգուշացնում են, որ կդառնա ավելի տարածված մարդու կողմից հարուցված գլոբալ տաքացման պատճառով:
Տաթև Ֆռանգյան
