15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Աֆղանստանում ՌԴ դեսպան Դմիտրի Ժիրնովը Քաբուլում հանդիպում է թալիբների ներկայացուցիչների հետ
Քաղաքականություն
17.08.2021 | 15:16
Աֆղանստանում Ռուսաստանի դեսպան Դմիտրի Ժիրնովը Քաբուլում հանդիպում է թալիբների ներկայացուցիչների հետ։ Այս մասին «ՌԻԱ Նովոստիին» հայտնել են դիվանագիտական ներկայացուցչությունից։
«Հանդիպումը սկսվել է, նա ժամանել է»,- ասել է դիվանագիտական առաքելության ներկայացուցչությունը։
Նախօրեին Ժիրնովը հայտարարել է, որ թալիբների ներկայացուցիչների հետ հանդիպմանը նա մանրակրկտորեն կքննարկի դեսպանության անվտանգության ապահովման բոլոր մանրամասները։
Հիշեցնենք՝ մի քանի շաբաթ առաջ՝ Աֆղանստանից ամերիկյան զորախմբի դուրսբերման ֆոնին, իրավիճակը երկրում կտրուկ վատթարացել է. կիրակի օրը ապստամբները ներխուժել են նախագահական պալատ: Հանրապետության ղեկավար Աշրաֆ Գանին փախուստի է դիմել, նրա գտնվելու վայրն անհայտ է։
Երկուշաբթի երեկոյան «Թալիբանի» քաղաքական թիմի պաշտոնական ներկայացուցիչ Մուհամմեդ Նաիմն ասել է, որ 20 տարի շարունակվող պատերազմն ավարտված է։ Առաջիկայում պարզ կդառնա կառավարման նոր ձևը:
Թալիբները համաձայն չեն անցումային կառավարության ստեղծմանը: Նախօրեին Քաբուլի օդանավակայանում քաոս էր տիրում. աֆղանցիները, ովքեր ցանկանում էին լքել երկիրը իշխանափոխության պատճառով, հարձակվել են ինքնաթիռների վրա: Լրատվամիջոցներում և սոցիալական ցանցերում հայտնվեցին կադրեր՝ մարդիկ բարձրանում են ինքնաթիռի վրա, որն արդեն պատրաստ է եղել թռիչքին: Ավելի ուշ հայտնի դարձավ, որ մի քանի մարդ մահացել է՝ ինքնաթիռից ընկնելու պատճառով:
Տաթև Ֆռանգյան
