19.11.2024 | 14:16
Չունենք բավարար քանակի հետազոտություններ, որոնք տնտեսության զարգացմանը նպաստեն․ ԲՈԿ նախագահ․ ՏԵՍԱՆՅՈՒԹ
Ստեփանակերտի բնակիչների մի մասը զրկված է խմելու ջրից․ Տիգրան Աբրահամյան․ ՏԵՍԱՆՅՈւԹ
Հասարակություն
17.08.2021 | 14:07
«Երբ խոսում ենք Հայաստանի ջրային անվտանգության կամ ջրային ռեսուրսների կառավարման մասին, պետք է սրան զուգահեռ դիտարկենք նաև Արցախում ստեղծված իրավիճակը և խնդրին անդրադառնալ հետպատերազմյան տրամաբանության ներքո: Այս մասին, ելույթ ունենալով ԱԺ արտահերթ նիստում, նշեց «Պատիվ ունեմ» խմբակցության պատգամավոր Տիգրան Աբրահամյանը: Նրա խոսքով՝ ռոգման և խմելու ջրի հետ կապված խնդիրները, որ այսօր առկա են Արցախում, ոչ պակաս կարևորություն և նշանակություն ունեն, քան անվտանգային խնդիրներն են:
Նշենք, որ ԱԺ արտահերթ նիստում քննարկվում է կառավարության՝ «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը:
«Քարվաճառը և՛ Արցախի, և՛ Հայաստանի համար ունի ջրային անվտանգության առումով կարևոր նշանակություն: Դա որոշ չափով առնչվում է Սևանի հետ կապված հարցերին, նաև ուղիղ ձևով կապված է Արցախի ջրային ընդհանուր համակարգի հետ: Արցախի՝ մեր վերահսկողության տակ գտնվող գետերի 98 տոկոսի ակունքները գտնվում են Քարվաճառում, և այն, որ նոյեմբերի 9-ի փաստաթղթով Քարվաճառը հանձնվել է Ադրբեջանին, արդեն իսկ վկայում է և՛ Արցախում, և՛ Հայաստանում ստեղծված ջրային ճգնաժամի մասին: Արդեն երկու շաբաթ է Ստեփանակերտի բնակիչների մի մասը զրկված է խմելու ջրից, մի մասն էլ ընդհատումներով են ջուր ստանում: Նաև նշեմ, որ Ստեփանակերտ մտնող գետերի ակունքները գտնվում են Ադրբեջանի վերահսկողության տակ»:
Աբրահամյանը կարևորեց, որ Ջրային կոմիտեի նախագահը Սևանա լճի խնդրին անդրադառնալիս նաև նշեր, թե արդյոք հետպատերազմյան ժամանակահատվածում խորը հետազոտություններ իրականացվե՞լ են ստեղծված այս ջրային անվտանգության սպառնալիքների մասով և արդյոք արդեն պա՞րզ է, թե ՀՀ-ի և Արցախի վրա ինչ ազդեցություն է ունենալու այս ջրային պաշարների` Ադրբեջանի վերահսկողության տակ գտնվելը:
Մանրամասները՝ տեսանյութում:
