Քաղաքականություն
17.08.2021 | 13:28ԱԺ-ում ընթանում է արտահերթ նիստ: Օրակարգում կառավարության հեղինակած՝ «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագծի քննարկումն է։
«Խնդրից շատ լավ տեղյակ եմ։ Երբ բանը հասնում է այս վիճակին, կանգնում ենք Սևանից հավելյալ ջուր բաց թողնելու հարցի առաջ։ Իսկ ինչո՞ւ ենք հասնում ենք այդ վիճակին։ Ընդ որում, խնդիրն ամեն անգամ պատճառաբանվում է տեղումների բացակայությամբ, մինչդեռ Նիկոլ Փաշինյանն այս տարի աշխարհացունց հայտարարություններ էր անում աննախադեպության մասին»,- ԱԺ արտահերթ նիստում այսօր հայտարարեց «Հայաստան» դաշինքի պատգամավոր, բնապահպանության նախկին նախարար Արծվիկ Մինասյանը։
Պատգամավորը հարցադրում արեց՝ ո՞րն է պատճառը, որ մեծ հնարավորությունների դեպքում նորից կանգնել ենք Սևանից հավելյալ ջրառ անելու խնդրի առաջ․ «Պատճառը մեկն է՝ քաղաքական ընտրությունները։ Հունիսի դրությամբ ունեցել ենք 31 միլիոնից բացթողում ավելի, քան նախորդ տարի էր։ Սա ի՞նչ է՝ հանրային, պետական միջոցների փոշիացում կամ տրամադրում հատուկ նպատակով՝ ընտրական գործընթացի համար։ Եվ հետո, երբ ասում եք, թե հետագայում բացառելու եք Սևանից ջրի բացթողումը, ուրեմն Սևանը ճահիճ կդարձնեք։ Հուսամ՝ լեզվի սայթաքում էր, այլապես հնարավոր չէ Սևանից առհասարակ ջուր բաց չթողնել: Երևի լրացուցիչ ջրի բացթողում նկատի ունեիք»։
Մանրամասները՝ տեսանյութում:
