ՋՕԸ-ի փոխտնօրեն կնշանակե՞իք ոռոգման համակարգի հետ առնչություն չունեցող մեկին․Մանուկյանը՝ ՋԿ նախագահին․ ՏԵՍԱՆՅՈւԹ

ԱԺ արտահերթ նիստում քննարկվում է կառավարության՝ «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը:

«Որպեսզի պարզ դառնա, թե կառավարության վերաբերմունքն ինչպիսին է ջրային ոլորտի հանդեպ, նշեմ, որ ջրային կոմիտեի նախագահ նշանակվել է 2018թ․-ի հուլիսին, ազատվել՝ 2019թ. փետրվարին։ Մյուսը նշանակվել է 2019թ․ մարտին, 2020թ․ փետրվարին՝ ազատվել։ Դուք այդ պաշտոնը զբաղեցնում եք 2020թ․ փետրվարից։ Այնքանով եք առնչվում այդ պաշտոնին, որ 2019թ․-ին առաջին անգամ ՋՕԸ-ի փոխտնօրեն եք աշխատել մի քանի ամիս։ Ձեզ որ մնար՝ մարզի ՋՕԸ-ի փոխտնօրենին կնշանակեի՞ք ջրային կոմիտեի նախագահ»,- դիմելով Ջրային կոմիտեի նախագահ Կարեն Սարգսյանին՝ հարցեց «Հայաստան» խմբակցության պատգամավոր Գեղամ Մանուկյանը:

Ջրային կոմիտեի նախագահպատասխանեց․ «Այո՛, կնշանակեի։ Հիմա մի քանի ցուցանիշ կասեմ իմ աշխատած ժամանակահատվածի մասին, որ նման հեգնանքով չմոտենաք մեր նշանակումներին։ Նախորդ տարի կազմակերպել ենք այնպիսի աշխատանք, որ ունեցել ենք 40 միլիոն խորանարդ մետր ջրի կորուստների նվազում։ Ոռոգման համար նախատեսվելիք 13 միլիարդ դրամից 2,7 միլիարդ դրամի խնայողություն ենք ունեցել»։

Մանուկյանը նաև հետարքրքվեց. «Երկա՞ր եք պաշտոնավարելու, որովհետև տեղեկություններ կան, որ մարզպետ եք նշանակվելու»։

Կարեն Սարգսյանը պատասխանեց՝ ոնց կորոշի մեր ղեկավարը։

Մանրամասները՝ տեսանյութում: