19.11.2024 | 14:32
Շարունակելու եմ պայքարել հայ գերիների ազատ արձակման, ՀՀ տարածքային ինքնաիշխանության համար․ Ֆրենկ Փալոն
Թուրքերին դուր կգա, թե՝ ոչ, կկառուցենք մեր երկիրը․ Ռուստամ Բաքոյան. ՏԵՍԱՆՅՈւԹ
Քաղաքականություն
17.08.2021 | 12:41
Թուրքիայում` միջազգային հանրության թողտվության ու անտարբերության պայմաններում, առայսօր շարունակվում է եզդիների ցեղասպանությունը։ Այս մասին այսօր Աժ ամբիոնից հայտարարեց Հայաստանի եզդիական համայնքի ներկայացուցիչ, «Քաղաքացիական պայմանագիր» խմբակցության պատգամավոր Ռուստամ Բաքոյանը։
Պատգամավորը հիշեցրեց, որ օգոստոսի 16-ին թուրքական օդուժը եզդիական Շանգյալ քաղաքի կենտրոնում հարվածել է եզդի հրամանատար Սայիդ Խդըր Հասանի ավտոմեքենային, որի հետևանքով հրամանատարը զոհվել է։
«Մեքենայում նաև իր զարմիկն է եղել, ով բանակում էր ծառայում։ Երեք խաղաղ բնակիչ վիրավորվել են։
Սայիդ Խդըր Հասանն այն եզդի հրամանատարներից էր, ովքեր 2014թ–ին, երբ Սինջարում տեղի ունեցավ եզդիների ցեղասպանությունը, կարողացավ զորք հավաքել, ու իր զորքով փորձեց փրկել եզդիներին, ինչը նրան մասամբ հաջողվեց»,- ասաց Բաքոյանը՝ հավելելով, որ Սայիդ Խդըր Հասանը թուրքական ուժերի կողմից սպանված արդեն երրորդ եզդի հրամանատարն է։
Եզդի ժողովրդի անունից Բաքոյանը հայտարարեց, որ Թուրքիային դուր կգա, թե ոչ, եզդիները գնալու են իրենց մեծ նպատակի հետևից ու այդ տարածաշրջանում կառուցելու են իրենց երկիրը:
Մանրամասները՝ տեսանյութում:
