Քաղաքականություն
16.08.2021 | 22:47
Թուրքիայի գլխավոր Ժողովրդահանրապետական կուսակցության առաջնորդ Քեմալ Քըլըչդարօղլուն Անկարային կոչ է անում դուրս բերել թուրքական զորքերն ու ոստիկանական ուժերն Աֆղանստանից, քանի որ Թալիբանը մտել է Քաբուլ, նախագահ Աշրաֆ Գանին էլ լքել է երկիրը։ Հայտնում է Ահվալ գործակալությունը։
Թվիթերյան իր էջում Քըլըչդրօղլուն գրել է, որ Արևմուտքը, որը տեսնում է միգրացիոն վտանգը, Էրդողանի հետ կնստի բանակցային սեղանի շուրջ։
«Ավելին, նրանք նաև կաղոթեն, որ Էրդողանը հաղթի ընտրություններում»,- գրել է թուրք ընդդիմադիր գործիչը։
Բացի այդ, Քըլըչդարօղլուն ասել է․ «Մենք չպետք է մեր զինվորներին զոհաբերենք մի տեղի համար, որտեղից մյուսները փախչում են առանց հետ նայելու»,- գրել է ընդդիմադիր գործիչը։
Թուրքիան մոտ 500 զինծառայող ունի Աֆղանստանում։ Զորքերը երբեք ներգարվված չեն եղել ռազմական օպերացիաներում երկրում գտնվելու ժամանակ, սակայն այնտեղ են աֆղանական անվտանգության ուժերի պատրաստման համար և տարիներ շարունակ վերահսկել են Քաբուլի միջազգային օդանավակայանի ռազմական մասը։
Քըլըչդարօղլուն նաև ասել է, որ Արևմուտքին թույլ չեն տա Էրդողանի հետ բանակցել աֆղան միգրանտների հարցով։
«Ցանկացած բանակցությունից առաջ, անհրաժեշտ է հանրության հավանությունը»,- գրել է թուրք ընդդիմադիր գործիչը։
Էմմա Չոբանյան
