25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Ուզբեկստանը խոցել է աֆղանական ինքնաթիռը, որը փորձել է խախտել երկրի օդային տարածքը
Քաղաքականություն
16.08.2021 | 22:11
Ուզբեկստանի պաշտպանության նախարարությունը հայտնել է, որ կիրակի Աֆղանստանի ռազմաօդային ուժերի ինքնաթիռի՝ սահմանը խախտելու փորձը կանխվել է: Այդ մասին հաղորդել է Podrobno.uz հրատարակությունը՝ հղում անելով գերատեսչության մամուլի ծառայությանը, գրում է ՏԱՍՍ-ը:
«Ուզբեկստանի պաշտպանության նախարարությունը հաստատել է Աֆղանստանի ռազմաօդային ուժերի ինքնաթիռի կործանումը Սուրխանդարիայում: Նախարարության մամուլի ծառայությունը Podrobno.uz- ի թղթակցին ասել է, որ երեկ պետական սահմանը խախտելու փորձը կանխվել է: Այժմ զինված ուժերն ու անվտանգության ուժերը հետաքննություն են իրականացնում փաստի առթիվ», – ասված է հաղորդագրության մեջ:
Ավելի վաղ Gazeta.uz- ը հայտնել էր, որ օգոստոսի 15 -ի երեկոյան Աֆղանստանի ռազմաօդային ուժերի նույնականացման նշաններով ինքնաթիռ է կործանվել Սուրխանդարիա շրջանի Շերաբադ շրջանում:
Հրատարակության տվյալներով՝ համացանցում հրապարակվել են լուսանկարներ և տեսանյութ, որոնցում երևում են կործանված ինքնաթիռի հատվածներն և առնվազն մեկ զոհ: Ավելի ուշ Ուզբեկստանի պաշտպանության նախարարությունը հաստատել է ինքնաթիռի կործանման փաստը:
Կիրակի օրը «Ալ Ջազիրա» հեռուստաալիքը, վկայակոչելով Աֆղանստանի նախագահ Աշրաֆ Հանիի անվտանգության աշխատակցին, հայտնել է, որ պետության ղեկավարը լքել է իսլամական հանրապետությունը և կնոջ հետ ժամանել է Ուզբեկստանի մայրաքաղաք:
Մանրամասները՝ տեսանյութում
Տաթև Ֆռանգյան
