«Ելք»-ն և «Ծառուկյան» դաշինքը դիմում են Սահմանադրական դատարան

ԱԺ «Ելք» խմբակցության պատգավոր Էդմոն Մարուքյանը ֆեյսբուքի իր էջում արված գրառմամբ տեղեկացնում է, որ ԱԺ ընդդիմադիր խմբակցությունները դիմել են Սահմանադրական դատարան:

Հիշեցնենք, որ Վանաձորի ավագանու հոկտեմբերի 2-ի ընտրություններից հետո ՀՎԿ-ն, ԲՀԿ-ն և «Լուսավոր Հայաստանը» համագործակցության հուշագիր էին ստորագրել և միասնական քաղաքապետի թեկնածու ներկայացրել Քրիստ Մարուքյանին։ Երբ քաղաքապետ դարձավ ՀՀԿ-ի թեկնածու Մամիկոն Ասլանյանը, միավորված եռյակը որոշեց բոյկոտել նիստերը՝ Մամիկոն Ասլանյանին համարելով ոչ լեգիտիմ քաղաքապետ:

Նշենք նաև, որ Մամիկոն Ասլանյանը հայտարարել էր, որ եթե անգամ Սահմանադրական դատարանն իրենց նիստերն ու որոշումները ոչ իրավազոր ճանաչի, ինքը հրաժարական չի տա:

Պատգամավորի գրառումը՝ ստորև.
«Վանաձորի քաղաքական ճգնաժամը հասավ Սահմանադրական դատարան

Ինչպես խոստացել էինք Վանաձորի ՏԻՄ ընտրություններից հետո մանդատագողության արդյունքում ստեղծված քաղաքական ճգնաժամից ելք գտնելու նպատակով, այսօր՝ հունիս 9-ին, «ԵԼՔ» և «Ծառուկյան» կուսակցությունների դաշինք խմբակցությունները առաջին անգամ 6-րդ գումարման Ազգային Ժողովում իրացրեցին պատգամավորների մեկ հինգերորդի կողմից Սահմանադրական դատարանում իրավական ակտի սահմանադրականության հարցի վիճարկման լիազորությունը:

ՀՀ ԱԺ 26 պատգամավորներ, ՀՀ Սահմանադրական դատարանից՝ պահանջում են ՀՀ Սահմանադրությանը հակասող և անվավեր ճանաչել ՀՀ «Տեղական ինքնակառավարման» մասին օրենքի այն դրույթը, որով առաջնորդվելով ավագանու ՀՀԿ և ՀՅԴ խմբացկությունների ներկայացուցիչները սույն թվականի մարտ ամսից սկսած լինելով փոքրամասնություն, չունենալով քվորում գումարում են նիստեր և , կայացնում են որոշումներ։

Ազգային ժողովի «ԵԼՔ» և «Ծառուկյան» կուսակցությունների դաշինք խմբակցությունները Վիճարկվում են նաև այս որոշումների սահմանադրականությունը.

Հատկանշական է, որ Սահմանադրական դատարանում Ավագանու որոշումների սահմանադրականության վիճարկումը Հայաստանի նորագույն պատմության մեջ առաջին դեպքն է»: