Հրապարակվել է Թուրքիայում ինքնաթիռի կործանման պահը պատկերող տեսանյութ

Հրապարակվել են Թուրքիայում ռուսական Բե-200 ինքնաթիռի կործանման պահը պատկերող, ինչպես նաև կործանված ինքնաթիռի՝ ՌԴ-ից Թուրքիա մեկնման տեսանյութերը։

Ավելի վաղ Ռուսաստանի պաշտպանության նախարարությունը հայտնել է, որ Բե-200 ռուսական հրշեջ ինքնաթիռը վթարի է ենթարկվել Թուրքիայում հրդեհի օջախները մարելու խնդրի կատարումից հետո:

Նշվում էր, որ ինքնաթիռում եղել է 5 ռուս զինծառայող և Թուրքիայի 3 ներկայացուցիչ, բոլորն էլ զոհվել են։ Ողբերգության պատճառները պարզելու համար աղետի վայր է ուղարկվել Ռուսաստանի Պաշտպանության նախարարության հանձնաժողովը:

NTV hեռուստաալիքի տվյալներով ՝ մարումից որոշ ժամանակ անց ինքնաթիռի հետ կապը կորել է։ Դա եղել է այն ինքնաթիռներից մեկը, որը մասնակցել է Մուղլա նահանգում հրդեհների մարմանը։

Նախնական տվյալներով ՝ ինքնաթիռը չի կարողացել հավաքել անհրաժեշտ բարձրությունը և բախվել է ժայռերին։ Ավելի վաղ տարածված  տեղեկությունը, թե Թուրքիայում կործանված Բե–2 հրշեջ ինքնաթիռը պատկանում էր Ռուսաստանին, պաշտոնապես հաստատել է ՌԴ պաշտպանության նախարարությունը։

Թուրքիայում հուլիսի վերջից մոլեգնում են անտառային հրդեհները։ Հրդեհների մասին առաջին տեղեկությունները ստացվել են հուլիսի 28-ին Մանավգատից, որտեղ 10 օրում գրանցվել է 21 օջախ։ Օգոստոսի 1-ին հայտնի է դարձել առողջարանային Բոդրումում, ինչպես նաև Ադանայում, Կայսերիում և Մերսինում նոր օջախների մասին:

Ավելի վաղ հաղորդվել էր 44 զոհվածների մասին: Թուրքիայի նախագահ Ռեջեփ Էրդողանը տարերային աղետի գոտի է հայտարարել երկրի հյուսիսում գտնվող Կաստամոնու, Սինոփ և Բարտին նահանգները, որոնք տուժել են ջրհեղեղից: Տարերային աղետից տուժել է 284 մարդ։