15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
ՍԴ-ն հետաձգեց Ավետիսյանների սպանության գործով տուժող կողմի դիմումի քննությունը
Հասարակություն
13.03.2018 | 16:51
Քիչ առաջ Սահմանադրական դատարանը հայտնեց, որ խորհրդակցական սենյակում որոշել են Ավետիսյանների սպանության գործով տուժող կողմի դիմումի քննությունը հետաձգել մինչև մարտի 16-ը. տեղեկացնում է «Փաստինֆոն»:
Ինչպես նշվեց, հետաձգման պատճառը մեկն է՝ կա սույն գործի հետ կապված պրակտիկան ուսումնասիրելու անհրաժեշտություն:
Ավելի վաղ տեղեկացրել էինք, որ կյանքի իրավունքի խախտման փաստով բարոյական վնասի հատուցման պահանջով քաղհայց էր ներկայացվել առաջին ատյանի դատարան, որտեղ այն քննության չի առնվել:
Տուժող կողմի ներկայացուցիչ Արամազդ Կիվիրյանը բողոքարկել է նաև վերադաս դատական ատյաններ, որտեղ որոշմամբ արձանագրվել է, որ քաղհայցը ենթակա չէ Քրեական դատավարության շրջանակներում քննելու:
