Հասարակություն
13.08.2021 | 15:44Համացանցում լատինատառ գրություններ գրելու մոտեցումը շարունակվում է, ինչը մտահոգության տեղիք է տալիս: «Հայերենի գրավոր դրսևորման ձևը մեսրոպյան այբուբենն է, լատինատառ գրությունները պետությունը պետք է անտեսի»,- այս մասին այսօր հրավիրված ասուլիսում նշեց Լեզվի կոմիտեի նախագահ Դավիթ Գյուրջինյանը:
«Երբ ուսուցիչը լատինատառ է գրում, նրա շրջապատը պետք է ասի, որ դա պատշաճ վերաբերմունք չէ հայերենի նկատմամբ: Լատինատառ գրառումները «վթարային» իրավիճակ են ստեղծում, կարդալ և հասկանալ հնարավոր չէ»,- նշեց Լեզվի կոմիտեի նախագահը:
Նա նկատեց, որ այդ առումով վիճակը թեև դեռևս գոհացուցիչ չէ, բայց բավականին փոխվել է, ֆեյսբուքյան խմբեր կան, որոնք օտար տառերով հայերեն գրություններ տեղադրելու արգելք ունեն: «Հասարակությունն՝ ինքը, պետք է շտկի իրավիճակը և պետք է անհանդուրժող լինել լատինատառ գրառումների նկատմամբ», -ասաց Գյուրջինյանը:
Նա նաև տեղեկացրեց, որ մի ընկերության դեմ վարչական վարույթ է հարուցվել քաղաքացիներին լատինատառ գրություններ ուղարկելու համար, և հավելեց, որ եթե դատը շահեն, դա լավ օրինակ կլինի, որպեսզի բանկերը և այլ հաստատություններ լատինատառ գրություններ չուղարկեն քաղաքացիներին:
Մանրամասները՝ տեսանյութում:
