25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Թուրքիայում ջրհեղեղների հետևանքով զոհերի թիվը հասել է 27-ի
Քաղաքականություն
13.08.2021 | 15:11
Թուրքիայի սևծովյան ափին գտնվող Կաստամոնու ու Սինո նահանգներում հորդառատ անձրևների հարուցած ջրհեղեղների ու սելավների հետևանքով զոհերի թիվը հասել է 27-ի։ Այս մասին հայտնում է ՌԻԱ Նովոստին՝ հղում կատարելով Թուրքիայի արտակարգ իրավիճակների ու տարերային աղետների վարչությանը (AFAD)։
Թուրքիայի նախագահ Թայիփ Էրդողանը հինգշաբթի օրը հայտնել էր 17 զոհի մասին։
«Կաստամոնում ջրհեղեղների ու սելավների հետևանքով զոհվել է 25 մարդ, 2-ը զոհվել են Սինոպում, մեկ մարդ անհետ կորել է Բարթինում»,- հայտնել են գերատեսչությունից։
Ավելի վաղ հաղորդվում էր, որ որոնողափրկարարական աշխատանքները տարերային աղետի գոտում շարունակվում են, ավելի քան 600 մարդ տարհանվել է։ Շուրջ 300 բնակավայր մնացել է առանց էլեկտրաէներգիայի մատակարարման։ Կամուրջների փլուզումների պատճառով արգելափակվել է մի շարք ճանապարհներով երթևեկությունը։
Տաթև Ֆռանգյան
