Քաղաքականություն
13.08.2021 | 21:45
Մեծ Բրիտանիայի ՊՆ ղեկավար Բեն Ուոլեսը հայտարարել է Աֆղանստանից ամերիկյան զորքերի դուրսբերումից հետո «Ալ-Քաիդա» ահաբեկչական խմբավորման վերածնման սպառնալիքի մասին։ Այս մասին վերջինս հայտարարել է Sky News հեռուստաալիքի ուղիղ եթերում։
«Ես անհանգստանում եմ, որ չկայացած պետությունները բարենպաստ հող եննման մարդկանց համար։ «Ալ-Քաիդան», ամենայն հավանականությամբ, կվերադառնա»,- ասել է Բրիտանիայի ռազմական գերատեսչության ղեկավարը՝ ենթադրելով, որ Աֆղանստանը գլորվում է դեպի քաղաքացիական պատերազմ։
CNN հեռուստաընկերությունն էլ, հղում կատարելով ԱՄՆ ՊՆ-ում իր աղբյուրներին, հայտնել էր, որ ամերիկացի զինվորականները մտավախություն ունեն, որ Աֆղանստանում կվերականգնվեն «Ալ-Քաիդայի» դիրքերը, քանի որ ԱՄՆ-ի զորքերի դուրսբերումը վակուում կստեղծի, որը, ամենայն հավանականությամբ «Ալ-Քաիդային» ու այլ ահաբեկչական խմբավորումներին վերակազմակերպվելու հնարավորություն կտա։
Տաթև Ֆռանգյան
