07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
Էրդողանի կառավարությունը պաշտպանում է իր մտերիմների, ոչ թե հանրության շահերը՝ մարդկանց թողնելով աղետի առաջ միայնակ․ քաղաքագետ
Քաղաքականություն
12.08.2021 | 19:16
Թուրքիայի կառավարությունն աշխատում է պաշտպանել իր մտերիմների, այլ ոչ թե հանրության շահերը, սյունակագիր, քաղաքագետ Փինար Թրեմբլայի անդրադարձը ներկայացնում է «Ահվալ» գործակալությունը։
Հրապարակման մեջ հեղինակը նշում է, որ Թուրքիայի նախագահ Ռեջեփ Թայիփ Էրդողանի վարչակազմը ձախողել է վերջին հրդեհներից ու ջրհեղեղներից տուժած մարդկանց օգնությունը, փոխարենը՝ շահավետ գործարքներ կնքել իր մտերիմների համար։
«Կառավարությունը ոչ միան պարզապես դանդաղում, թվում է՝ նրանց համար միևնույնն է։ Էրդողանի իշխող «Արդարություն ու զարգացում» կուսակցության պաշտոնյաներն էլ ծիծաղում են, մինչ ֆերմերները նայում են, ինչպես է այրվում իրենց ապագան»,- գրում է Թրեմբլայը։
Հեղինակը նաև նշում է, որ Թուրքիայի նախագահը, նախարարները ու նույնիսկ պետական գործակալությունների տնօրեններն ունեն իրենց մասնավոր ինքնաթիռները, սակայն ասում են, որ հրդեհը մարելու համար ինքնաթիռներ չկան։
«Էրդողանի հանրային աջակցությունը կարող է նվազել, սակայն դա չի նշանակում, որ նրա քաղաքական իշխանությունը թուլանում է։ Թուրքիան լիովին բռնապետական պետություն է, որտեղ իսլամիստական կառավարությունը շքեղ կյանքով է ապրում»,- եզրափակում է Փինար Թրեմբլայը։
Էմմա Չոբանյան
