10.10.2026 | 12:57
Նավթի գներն աճել են
Նախիջևանից միջին հեռավորության զենքը կարող է հասնել Երևան. ՊՆ նախկին նախարար. ՏԵՍԱՆՅՈՒԹ
Քաղաքականություն
13.03.2018 | 14:29
«Թուրքիան այսօր անեքսիայի է ենթարկում Նախիջևանը, որի իրավունքն ինքը չունի»,- այս մասին այսօր «Թուրքիան ուժեղացնում է Նախիջևանում իր ազդեցությունը, ինչը իսկապես սպառնում է մեր երկրի ազգային անվտանգությանը» թեմայով քննարկմանն ասաց Հայաստանի դեմոկրատական կուսակցության ղեկավար Արամ Սարգսյանը:
Ըստ պարոն Սարգսյանի՝ այն, որ Նախիջևանում արդեն ռազմական բազաներ են ձևավորված, այն, որ Նախիջևանի տարածքը տնտեսական գոտի է հայտարարված՜ անեքսիայի ցայտուն էլեմենտներ են պարունակում: Բացի այդ, մտահոգության առիթ է տալիս նաև այն, որ թուրք-ադրբեջանական զորավարժության ժամանակ թուրքական զորքի քանակն ավելի շատ է: Արամ Սարգսյանի պնդմամբ՝ բոլոր հիմքերը կան ՀԱՊԿ-ին դիմելու, որովհետև ագրեսիան լինելու է ոչ թե Լեռնային Ղարաբաղի տարածքում, այլ Հայաստանի:
Բանախոսներից ՀՀ պաշտպանության նախկին նախարար Վաղինակ Հարությունյանն էլ ընդգծեց՝ Նախիջևանի հարցը Թուրքիայի գաղափարախոսության տարածքն է: «Նախիջևանից միջին հեռավորության զենքը կարող է հասնել Երևան: Նախիջևանն այն կետ է, որտեղից հետագայում կարելի է ներխուժել Մեղրի և Սյունիք»,- շարունակեց բանախոսը:
Մանրամասները՝ տեսանյութում:
