25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Լատվիան հատուկ նշանակության գումարտակի սպաներ է ուղարկել Բելառուսի հետ սահման
Քաղաքականություն
12.08.2021 | 20:50
Լատվիայի պետական ոստիկանությունը հատուկ նշանակության գումարտակի 71 սպա է ուղարկել Բելառուսի հետ սահման, որտեղ անօրինական ներգաղթյալների հոսք է նկատվում: Այդ մասին հայտնում է ՏԱՍՍ-ը՝ հղում կատարելով երկրի ոստիկանության մամուլի ծառայությանը:
«Հաշվի առնելով արտակարգ իրավիճակը Լատվիա-Բելառուս սահմանին՝ սահմանի անօրինական հատումը կանխելու համար Պետական ոստիկանությունը կաջակցի Պետական սահմանապահ ծառայությանը․ մոբիլիզացվել է ինչպես հնարավոր մարդկային ռեսուրսները, այնպես էլ նյութատեխնիկական աջակցությունը: Այժմ պետական ոստիկանութունը 4 շաբաթով սահման է ուղարկել Լատվիայի բոլոր շրջաններից, բացի Ռիգայից, հատուկ նշանակության ջոկատների 71 աշխատակից»,- ասված է ոստիկանության հայտարարության մեջ։
Տեղեկացվում է, որ հատուկ նշանակության ջոկատները սկսել են Բելառուսի հետ Լատվիայի սահմանի վերահսկման իրենց պարտականություններն իրականացնել։
Լիտվայից հետո Լատվիան բախվել է Բելառուսի տարածքից անօրինական միգրացիայի խնդրին: Օգոստոսի 6-ից օգոստոսի 10-ը բերման է ենթարկվել 295 մարդ, իսկ ընդհանուր առմամբ տարեսկզբից ՝ 355: Ռիգան սահմանների պաշտպանության համար ուժեղացրել է սահմանների հսկողությունը։
Տաթև Ֆռանգյան
