18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
ՌԴ Դումայի փոխխոսնակը ռուսներին «խոզ» անվանած ադրբեջանցի դիվանագետին զգուշացրել է հետևանքների մասին
Քաղաքականություն
12.08.2021 | 21:43
ՌԴ Պետական Դումայի փոխխոսնակ Պյոտր Տոլստոյն անդրադարձել է ադրբեջանցի դիվանագետ Իսֆանդիյար Վահաբզադեի՝ քաղաքական գործիչ Վլադիմիր Ժիրինովսկու ու ռուս ժողովրդի հասցեին հնչեցրած վիրավորանքներին։ Տոլստոյը զգուշացրել է ադրբեջանցի դիվանագետին հնարավոր հետևանքների մասին, գրում է Ռիա Նովոստին։
«Ադրբեջանցի նախկին դեսպանը տեսախցիկի առջև ռուսներին «խոզ» անվանեց։ Դիվանագետը, որ չնայած նախկին է, շատ լավ գիտի՝ ինչն է կարելի, ինչը՝ ոչ»,- թելագրամյան իր ալիքում գրել է պատգամավորը։
Նա նշել է, որ նման արտահայտությունների համար պետք է ներողություն խնդրել, հակառակ դեպքում կլինեն հետևանքներ։ Տոլստոյը նաև հայտարարել է, որ մեկ մարդը կարող է ներել մյուսին, սակայն հավատքի ու ազգի նկատմամբ վիրավորանքը կմնա երկու երկրների հարաբերությունների պատմության մեջ։
Հիշեցնենք, որ համացանցում տեսանյութ էր տարածվել, թե ինչպես ադրբեջանցի դիվանագետ, Բելառուսում, Մոլդովայում, Շվեյցարիայում ու Պակիստանում Ադրբեջանի նախկին արտակարգ ու լիազոր դեսպան Իսֆանդիյար Վահաբզադեն վիրավորում է ռուս քաղաքական գործիչ Վլադիմիր Ժիրինովկսուն ու ռուս ժողովրդին՝ նրանց անվանելով «խոզեր»։
Էմմա Չոբանյան
